ജമാഅത്തെ ഇസ്ലാമിയുടെ വെല്‍ഫെയര്‍ പാര്‍ട്ടി ഇസ്ലാമിക രാഷ്ട്രത്തിനുള്ള ആദ്യ ചുവടുവെപ്പാണ്. ആ രൂപത്തില്‍ തന്നെകണ്ട് അവരെ എതിര്‍ക്കേണ്ടതുണ്ട്. എന്നാല്‍ ഇതിന് ശ്രമിക്കാതെ ലീഗ് അവരുമായി സഖ്യംചേര്‍ന്നു. നിയമസഭാ തിരഞ്ഞെടുപ്പിലും മുസ്ലീം ലീഗ് വെല്‍ഫെയര്‍ പാര്‍ട്ടിയുമായി രഹസ്യ വേഴ്ച തുടരും. ലീഗിന് രാഷ്ട്രീയ ഇച്ചാശക്തി നഷ്ടമായെന്നും ജലീല്‍ പറഞ്ഞു. ഇ ഡി ഡിയെ ഉപയോഗിച്ച് നേതാക്കളെയെല്ലാം വേട്ടയാടുന്നത് കൊണ്ട് പേടിച്ചാണോ പി കെ കുഞ്ഞാലിക്കുട്ടി എം പി സ്ഥാനം രാജിവെച്ച് കേരളത്തിലേക്ക് വരുന്നതെന്ന് ജലീല്‍ ചോദിക്കുന്നു.
ലീഗ് ഇ കെ സമസ്തയെ സമ്മര്‍ദ്ധത്തിലാക്കുന്നുവെന്ന ചര്‍ച്ച സജീവമാകുന്നതിനിടെയാണ് എസ് കെ എസ് എസ് എഫ് മുഖവാരികയില്‍ ജലീലിന്റെ അഭിമുഖം വന്നത് എന്നത് ശ്രദ്ധേയമാണ്. വലിയ രാഷ്ട്രീയ പ്രാധാന്യവും ഇതിനുണ്ട്. തിരഞ്ഞെടുപ്പ് അടുത്തിരിക്കെ ലീഗിനെ വിമര്‍ശിച്ച് ഒരു ഇടത് മന്ത്രിയുടെ അഭിമുഖം അടുത്തകാലത്തൊന്നും ഇ കെ സമസ്തയുടെ പ്രസിദ്ധീകരണങ്ങളില്‍ വന്നിട്ടില്ലെന്നതും ഇതിനൊപ്പം ചേര്‍ത്ത് വായിക്കേണ്ടതാണ്. ലീഗ് ഇ കെ സമസ്തയുടെ നയപരിപാടികളില്‍ ഇടപെടുന്നതില്‍ എതിര്‍പ്പുള്ള ഒരു വിഭാഗം ഇപ്പോള്‍ ഇ കെ സമസ്തയിലുണ്ട്. അത്തരക്കാര്‍ ലീഗിന് നല്‍കുന്ന ഒരു മുന്നറിയിപ്പായും ജലീലിന്റെ അഭിമുഖം വിലയിരുത്തപ്പെടുന്നുണ്ട്.
source http://www.sirajlive.com/2021/01/20/465516.html
Post a Comment