കൊല്ലം ഓച്ചിറയിലെ കയര്‍ ഫാക്ടറിയില്‍ തീപ്പിടിത്തം; അരക്കോടിയിലേറെ രൂപയുടെ നഷ്ടം

കൊല്ലം | കൊല്ലം ഓച്ചിറയിലെ കയര്‍ ഫാക്ടറിയില്‍ തീപ്പിടിത്തം. ഇന്നലെ രാത്രി 11ഓടെയാണ് തീപ്പിടിത്തമുണ്ടായത്. കയറുകളും ഫാക്ടറി വളപ്പില്‍ നിര്‍ത്തിയിട്ടിരുന്ന ലോഡ് കയറ്റിയ വാഹനവും പൂര്‍ണമായി കത്തിനശിച്ചു. ആലുംപീടികയിലെ രാജന്റെ ഉടമസ്ഥതയിലുള്ള ഓച്ചിറ നിവാസ് കയര്‍ ഫാക്ടറിയിലാണ് തീപ്പിടിത്തമുണ്ടായത്.

അഗ്നിശമന സേനാ വാഹനങ്ങളും
നാട്ടുകാരും ചേര്‍ന്ന് തീ നിയന്ത്രണ വിധേയമാക്കി. അരക്കോടിയിലേറെ രൂപയുടെ നഷ്ടം സംഭവിച്ചെന്നാണ് പ്രാഥമിക വിലയിരുത്തല്‍.

source http://www.sirajlive.com/2021/01/29/466632.html