സ്വര്‍ണ്ണ മുട്ടയിടുന്ന കോഴിയെ ആരും കശാപ്പുചെയ്യില്ലെന്നും ക്രിമിനല്‍ കേസില്‍ ശിക്ഷിക്കപ്പെട്ടാലും ഭാര്യക്ക് കുടുംബ പെന്ഷന് അര്‍ഹതയുണ്ടെന്നും കോടതി നിരീക്ഷിച്ചു.
അംബാല സ്വദേശിയായ ബലിജിത് കൗര്‍ നല്‍കിയ പരാതിയിലാണ് കോടതിയുടെ വിധിന്യായമുണ്ടായത്. 2008ല്‍, സര്‍ക്കാര്‍ ഉദ്യോഗസ്ഥാനായ ഭര്‍ത്താവ് ടാര്‍സെം സിംഗ് മരിച്ച കേസില്‍ ബലിജിത് കൗര്‍ കുറ്റക്കാരിയാണെന്ന് കണ്ടെത്തുകയും 2011ല്‍ ബലിജിത്തിന് കോടതി ശിക്ഷ വിധിക്കുകയും ചെയ്തിരുന്നു. കേസില്‍ ശിക്ഷിക്കപ്പെട്ടതോടെ ബലിജിത്തിന് നല്‍കിയിരുന്ന കുടുംബ പെന്ഷന് സര്‍ക്കാര്‍ നിര്‍ത്തിവെച്ചു. ഇതിനെതിരെയാണ് ബലിജിത്ത് ഹൈക്കോടതിയെ സമിപിച്ചത്.
ഹരിയാന സര്‍ക്കാര്‍ ഉത്തരവ് റദ്ദാക്കിയ കോടതി പരാതിക്കാരിക്ക് രണ്ട് മാസത്തിനകം കുടിശ്ശിക സഹിതം കുടുംബ പെന്ഷന് നല്‍കാന്‍ നിര്‍ദേശിക്കുകയായിരുന്നു.
ഭര്‍ത്താവിന്റെ മരണശേഷം 1972 ലെ സിസിഎസ് (പെന്ഷന്) ചട്ടപ്രകാരം ഭാര്യക്ക് കുടുംബ പെന്ഷന് ലഭിക്കും. ഒരു സര്‍ക്കാര്‍ ഉദ്യോഗസ്ഥന്റെ വിധവയ്ക്ക് പുനര്‍വിവാഹത്തിനുശേഷവും കുടുംബ പെന്ഷന് ലഭിക്കാന്‍ അര്‍ഹതയുണ്ടെന്നാണ് നിയമം.
source http://www.sirajlive.com/2021/01/31/466848.html
Post a Comment