2011ലാണ് മുനീര്‍ കോഴിക്കോട് സൗത്തില്‍ നിന്നും ആദ്യമായി ജനവിധി തേടിയത്. സി പി എമ്മിലെ മുസഫര്‍ അഹമ്മദിനെ കടുത്ത പോരാട്ടത്തിന് ഒടുവില്‍ 1376 വോട്ടിന് മറികടക്കുകയായിരുന്നു. എന്നാല്‍ 2016ല്‍ ഐ ഐന്‍ എല്ലിന്റെ പ്രൊഫ. അബ്ദുള്‍ വഹാബിനെ തോല്‍പ്പിച്ച് മുനീര്‍ മണ്ഡലം നിലനിര്‍ത്തി. 2016ലെ അവസ്ഥയല്ല ഇപ്പോള്‍ മണ്ഡലത്തിലുള്ളത്. കഴിഞ്ഞ തദ്ദേശ തിരഞ്ഞെടുപ്പിലെ കോര്‍പറേഷനിലെ ലീഗ് സ്വാധീന മേഖലകളില്‍ ശക്തമായ മുന്നേറ്റം നടത്താന്‍ സി പി എമ്മിന് കഴിഞ്ഞു. ഐ എന്‍ എല്ലില്‍ നിന്ന് മണ്ഡലം ഏറ്റെടുക്കാന്‍ സി പി എം ഒരുങ്ങുകയാണ്. കോര്‍പറേഷന്റെ ഇപ്പോഴത്തെ ഡെപ്യൂട്ടി മേയറും മുനീറിന്റെ മുന്‍ എതിരാളിയുമായ മുസഫര്‍ അഹമ്മദിനെ വീണ്ടും രംഗത്തിറക്കാനാണ് സി പി എം നീക്കം. കൂടാതെ കോഴിക്കോട് സൗത്തില്‍ ലീഗിനുള്ളില്‍ ശക്തമായ വിഭാഗീയതയും നിലനില്‍ക്കുന്നുണ്ട്. കോര്‍പറേഷനിലെ സ്ഥാനാര്‍ഥി നിര്‍ണയത്തില്‍ മുനീര്‍ നടത്തിയ ഇടപെടലില്‍ വിയോജിപ്പുള്ള നിരവധി പ്രാദേശിക നേതാക്കള്‍ സൗത്തിലുണ്ട്. ഈ ഒരു സാഹചര്യത്തില്‍ വലിയ ആശങ്കയോടെയാണ് മുനീര്‍ ഇത്തവണ കളത്തിലിറങ്ങുന്നതെന്നാണ് വിവരം.
source http://www.sirajlive.com/2021/02/02/467048.html
إرسال تعليق