വളാഞ്ചേരിയില്‍ ലോറി മറിഞ്ഞു; രണ്ട് പേര്‍ കുടുങ്ങിക്കിടക്കുന്നു

മലപ്പുറം | വളാഞ്ചേരി വട്ടപ്പാറ വളവില്‍ ലോറി മറിഞ്ഞ് രണ്ട് പേര്‍ കുടുങ്ങിക്കിടക്കുന്നു. ഇന്ന് പുലര്‍ച്ചെ മൂന്ന് മണിയോടെയാണ് അപകട വളവ് എന്ന് അറിയപ്പെടുന്ന വട്ടപ്പാറ വളവിലെ 30 അടിയോളം താഴ്ചയിലേക്ക് ലോറി മറിഞ്ഞത്. കമ്പി കയറ്റിവന്ന ലോറിയാണ് മറിഞ്ഞത്. ഡ്രൈവറും ക്ലീനറും കമ്പിക്കടിയില്‍ കുടുങ്ങി പോകുകയായിരുന്നു. നാല് മണിക്കൂറായി നടക്കുന്ന രക്ഷാപ്രവര്‍ത്തനത്തില്‍ ഇതുവരെ കുടുങ്ങിക്കിടക്കുന്നവരെ പുറത്തെടുക്കാനായില്ല. ഇരുവരും അബോധാവസ്ഥയിലാണെന്നാണ് നാട്ടുകാര്‍ പറയുന്നത്. രക്ഷാ പ്രവര്‍ത്തനം പുരോഗമിക്കുകയാണ്.

source http://www.sirajlive.com/2021/02/02/467035.html