ലോകത്തെ കൊവിഡ് കേസുകള്‍ 11.77 കോടി പിന്നിട്ടു

ന്യൂയോര്‍ക്ക്|  വാക്‌സിന്‍ വിതരണം ആരംഭിച്ചെങ്കിലും ലോകത്ത് ഇപ്പോഴും കൊവിഡ് ഇപ്പോഴും വ്യാപകമായി റിപ്പോര്‍ട്ട് ചെയ്യുന്നു. കഴിഞ്ഞ 24 മണിക്കൂറിനിടെ രണ്ടര ലക്ഷം കേസുകളാണ് റിപ്പോര്‍ട്ട് ചെയ്തത്. ഇതോടെ ആകെ കേസുകള്‍ പതിനൊന്ന് കോടി എഴുപത്തിയേഴ് ലക്ഷം പിന്നിട്ടു. വൈറസ് മൂലം ഇതിനകം 26.11 ലക്ഷം പേര്‍ മരിച്ചു. നിലവില്‍ രണ്ട് കോടി പതിനേഴ് ലക്ഷം പേരാണ് ചികിത്സയിലുള്ളത്.

ലോകത്ത് ഏറ്റവും കൂടുതല്‍ കേസുള്ള അമേരിക്കയില്‍ രോഗബാധ മൂന്ന് കോടിയോട് (2.97 കോടി) അടുത്തു. 5.38 ലക്ഷം പേര്‍ മരിച്ചു.രണ്ട് കോടിയിലധികം പേര്‍ രോഗമുക്തി നേടി. രണ്ടാം സ്ഥാനത്തുള്ള ഇന്ത്യയില്‍ ഒരു കോടി പന്ത്രണ്ട് ലക്ഷം കൊവിഡ് ബാധിതരാണ് ഉള്ളത്. 15,000ത്തിലധികം പുതിയ കേസുകള്‍ റിപ്പോര്‍ട്ട് ചെയ്തു. നിലവില്‍ 1.84 ലക്ഷം പേരാണ് ചികിത്സയിലുള്ളത്. 1.57 ലക്ഷം പേര്‍ മരിച്ചു. 1.92 കോടി പേര്‍ വാക്സിന്‍ സ്വീകരിച്ചു. ബ്രസീല്‍(1.10 കോടി രോഗബാധിതര്‍),റഷ്യ(43 ലക്ഷം രോഗികള്‍),ബ്രിട്ടന്‍(42 ലക്ഷം രോഗബാധിതര്‍) എന്നീ രാജ്യങ്ങളിലും രോഗവ്യാപനം രൂക്ഷമായി തുടരുകയാണ്.

 

 

source http://www.sirajlive.com/2021/03/09/471334.html