ശ്രമം തടഞ്ഞെങ്കിലും ഒരു കണക്ഷന്‍ ഇപ്പോള്‍ സജീവമാണെന്ന് യു എസ് കമ്പനിയായ റെക്കോര്‍ഡഡ് ഫ്യൂച്ചര്‍ അറിയിച്ചു. ചൈനീസ് ഹാക്കര്‍മാരുടെ സംഘവും ഇന്ത്യന്‍ തുറമുഖവും തമ്മില്‍ വെബ് ട്രാഫിക് കൈമാറ്റം നടക്കുന്നതായി കമ്പനി സി ഇ ഒ സ്റ്റുവര്‍ട്ട് സോളമന്‍ പറഞ്ഞു. ഇത്തരം വെബ് ട്രാഫിക് കൈമാറ്റത്തിന് ഹാന്‍ഡ് ഷേക് എന്നാണ് സാങ്കേതികമായി പറയുക.
റെഡ് എക്കോ എന്ന ഹാക്കര്‍ സംഘമാണ് ഇതിന് പിന്നില്‍. ഇന്ത്യയിലെ പവര്‍ ഗ്രിഡിന് കീഴിലെ പത്ത് സ്ഥാപനങ്ങളെയും രണ്ട് തുറമുഖങ്ങളെയും ഈ സംഘം ലക്ഷ്യം വെച്ചിട്ടുണ്ട്. ഫെബ്രുവരി പത്തിനാണ് യു എസ് കമ്പനി ഇക്കാര്യം ആദ്യമായി കണ്ടെത്തിയത്. ഫെബ്രുവരി 28നും ഹാക്കര്‍മാര്‍ ഓപണ്‍ ചെയ്ത കണക്ഷന്‍ പ്രവര്‍ത്തിച്ചതായും സോളമന്‍ പറഞ്ഞു.
source http://www.sirajlive.com/2021/03/03/470838.html
Post a Comment