ഹൈദരാബാദ് | ആന്ധ്രാപ്രദേശില്‍ ബസുകളും ട്രക്കും കൂട്ടിയിടിച്ചുണ്ടായ അപകടത്തില്‍ അഞ്ച് പേര്‍ മരിച്ചു. സംഭവത്തില്‍ മുപ്പതിലധികം പേര്‍ക്ക് പരുക്കേറ്റു. പരുക്കേറ്റവരില്‍ പലരുടേയും നില ഗുരുതരമാണ്. തിങ്കളാഴ്ച രാവിലെ സുങ്കരി പേട്ടക്ക് സമീപമാണ് അപകടം. പാതയില്‍ മാലിന്യം കത്തിച്ച പുക കാഴ്ച മറച്ചതാണ് ദുരന്തത്തിന് കാരണമായതെന്നാണ് ലഭിക്കുന്ന വിവരം.
ആന്ധ്രാ സ്റ്റേറ്റ് ട്രാന്‍സ്പോര്‍ട്ട് കോര്‍പറേഷന്‍ ബസ് മറ്റൊരു ബസുമായി കൂട്ടിയിടിക്കുകയും പിന്നാലെ ഒരു ബസിന് പിന്നില്‍ ട്രക്ക് ഇടിക്കുകയും ആയിരുന്നു. അപകടത്തില്‍ രണ്ട് ബസുകളിലെയും യാത്രക്കാര്‍ക്ക് പരുക്കേറ്റിട്ടുണ്ട്.
source
http://www.sirajlive.com/2021/03/29/473517.html
إرسال تعليق