വടകരയില്‍ കെ കെ രമ മത്സരിച്ചാല്‍ യുഡിഎഫ് പിന്തുണക്കും: ചെന്നിത്തല

ന്യൂഡല്‍ഹി | വടകരയില്‍ സ്ഥാനാര്‍ഥിയായി കെ കെ രമ മത്സരിച്ചാല്‍ ആര്‍എംപിയെ പിന്തുണയ്ക്കുമെന്ന് പ്രതിപക്ഷ നേതാവ് രമേശ് ചെന്നിത്തല. ഡല്‍ഹിയില്‍ നടന്ന കേന്ദ്ര തിരഞ്ഞെടുപ്പ് സമിതി യോഗത്തിന് ശേഷം മാധ്യമങ്ങളോട് പ്രതികരിക്കുകയായിരുന്നു അദ്ദേഹം.

കെ കെ രമ ഇത്തവണ മത്സരിക്കാനില്ലെന്ന് നേരത്തെ അറിയിച്ചിരുന്നു. എന്‍ വേണുവിനെയാണ് ആര്‍ എം പി സ്ഥാനാര്‍ഥിയായി പ്രഖ്യാപിച്ചത്. അതേസമയം, യുഡിഎഫ് രമക്ക് പിന്തുണ പ്രഖ്യാപിച്ച സാഹചര്യത്തില്‍ അവര്‍ ഗോദയിലിറങ്ങിയേക്കുമെന്നാണ് റിപ്പോര്‍ട്ടുകള്‍. അടുത്ത ദിവസം തന്നെ പ്രഖ്യാപനമുണ്ടാകും.

കഴിഞ്ഞ തവണ കെ കെ രമ ഒറ്റക്ക് നിന്നപ്പോള്‍ 20,504 വോട്ട് നേടിയിരുന്നു. എല്‍ഡിഎഫ് സ്ഥാനാര്‍ഥി സി.കെ നാണു 9511 വോട്ടിന്റെ ഭൂരിപക്ഷത്തിലാണ് വിജയിച്ചത്.



source http://www.sirajlive.com/2021/03/12/471780.html

Post a Comment

أحدث أقدم