ലോകത്തെ കൊവിഡ് കേസുകള്‍ 17 കോടിയിലേക്ക്

ന്യൂയോര്‍ക്ക് |  ലോകമഹാമാരിയായ കൊവിഡില്‍ 19 മൂലം രോഗബാധിതരാകുന്നവരുടെ എണ്ണം 17 കോടിയിലേക്ക്. കത്യമായി പറഞ്ഞാല്‍ എണ്ണം പതിനാറ് കോടി തൊണ്ണൂറ്റിയാറ് ലക്ഷം പിന്നിട്ടു. കഴിഞ്ഞ 24 മണിക്കൂറിനിടെ മാത്രം അഞ്ചര ലക്ഷത്തിലധികം കേസുകളാണ് റിപ്പോര്‍ട്ട് ചെയ്തത്. പതിനഞ്ച് കോടി എഴുപത് ലക്ഷം പേര്‍ ഇതിനകം രോഗമുക്തരായി. വൈറസ് മൂലം ഇതിനകം 35.24 പേര്‍ക്കാണ് ലോകത്ത്് ജീവന്‍ നഷ്ടപ്പെട്ടത്.

പ്രതിദിന കേസില്‍ മുന്നിട്ട് നില്‍ക്കുന്ന ഇന്ത്യയില്‍ 24 മണിക്കൂറിനിടെ 1.79 ലക്ഷം പേര്‍ക്കാണ് വൈറസ് ബാധ സ്ഥിരീകരിച്ചത്. രാജ്യത്ത് രണ്ടര കോടിയിലധികം പേര്‍ക്കാണ് ഇതുവരെ രോഗം സ്ഥിരീകരിച്ചത്. ആകെ മരണം 3.18 ലക്ഷമായി. നിലവില്‍ 28 ലക്ഷത്തിലധികം പേര്‍ ചികിത്സയിലുണ്ട്.
രോഗികളുടെ എണ്ണത്തില്‍ അമേരിക്ക മാത്രമാണ് ഇന്ത്യക്ക് മുന്നിലുള്ളത്. യു എസില്‍ മൂന്ന് കോടി മുപ്പത്തിയൊമ്പത് ലക്ഷം രോഗബാധിതരുണ്ട്. മരണസംഖ്യ അറുപത് ലക്ഷം കടന്നു. രണ്ട് കോടി എഴുപത്തിയേഴ് ലക്ഷം പേര്‍ രോഗമുക്തി നേടി.

 

 

source http://www.sirajlive.com/2021/05/28/481221.html