ശ്രീനഗര്‍ | ജമ്മു കശ്മീരില്‍ സുരക്ഷാ സേനയുമായുണ്ടായ ഏറ്റുമുട്ടലില്‍ ലഷ്‌കര്‍ ഇ ത്വയ്ബ കമാന്‍ഡര്‍ നദീം അബ്‌റാര്‍ കൊല്ലപ്പെട്ടു. അബ്‌റാര്‍ കഴിഞ്ഞ ദിവസം സുരക്ഷാ സേനയുടെ പിടിയിലായിരുന്നു. അദ്ദേഹത്തേയുംകൊണ്ട് സുരക്ഷാ സേന ആയുധങ്ങള്‍ കണ്ടെടുക്കാന്‍ പോകുമ്പോള്‍ കൂട്ടാളി വെടിയുതിര്‍ക്കുകയായിരുന്നു. തുടര്‍ന്നുണ്ടായ ഏറ്റുമുട്ടലിലാണ് അബ്‌റാര്‍ കൊല്ലപ്പെട്ടതെന്ന് സുരക്ഷാ സേന അറിയിച്ചു. ഏറ്റുമുട്ടലില്‍ മൂന്ന് സുരക്ഷ ഉദ്യോഗസ്ഥര്‍ക്കും പരുക്കേറ്റിട്ടുണ്ട്.
ശ്രീനഗറിലെ മലൂറ പരിംപോരയില്‍ നടന്ന ഏറ്റുമുട്ടലിലാണ് അബ്രാര്‍ കൊല്ലപ്പെട്ടത്. ചോദ്യം ചെയ്യലില്‍ ഒരു വീട്ടില്‍ ആയുധങ്ങള്‍ ഒളിപ്പിച്ചതായി അബ്രാര്‍ വെളിപ്പെടുത്തിയതിന് പിന്നാലെ തെരച്ചിലിനായി എത്തിയതായിരുന്നു സുരക്ഷ സേന. അബ്രാറുമായി സംഘം വീടിനകത്തേക്ക് പ്രവേശിച്ചപ്പോള്‍ ഒളിച്ചിരുന്ന ഭീകരന്‍ വെടിയുതിര്‍ക്കുകയായിരുന്നുവെന്ന് കശ്മീര്‍ ഐ ജി വിജയ് കുമാര്‍ പറഞ്ഞു.
source
http://www.sirajlive.com/2021/06/29/486407.html
إرسال تعليق