ഹിജ്‌റ 1376 ല്‍ സഊദിയിലെ ഹുഫൂഫില്‍ ജനിച്ച അദ്ദേഹം സ്വദേശത്ത് പഠനം പൂര്‍ത്തിയാക്കിയ ശേഷം ഈജിപ്ത്, ഇറാഖ്, മൊറോക്കോ, സിറിയ അടക്കമുള്ള 15 രാഷ്ട്രങ്ങളില്‍ പോയി ഉപരിപഠനം നടത്തി. അല്‍ ഹസയിലെ മസ്ജിദ് ദിബ് സില്‍ സ്ഥിരമായി അദേഹത്തിന്റെ ദര്‍സില്‍ സംബന്ധിക്കാനും ആത്മീയ ഉപദേശങള്‍ തേടാനും രോഗശമനത്തിന് പ്രതിവിധി തേടാനും നിരവധി പേര്‍ എത്താറുണ്ട്.
ഇന്ത്യന്‍ ഗ്രാന്‍ഡ് മുഫ്തി കാന്തപുരം എ പി അബൂബക്കര്‍ മുസ്ലിയാര്‍, സയ്യിദ് മുഹമ്മദലി മാലികി മക്ക, സയ്യിദ് ഹബീബ് ഉമര്‍ ഹഫീള് അടക്കമുള്ള അന്താരാഷ്ട്ര പണ്ഡിതന്മാരുമായി അടുത്ത ബന്ധം സ്ഥാപിച്ചിരുന്ന ശൈഖ് ഇബ്‌റാഹീം മര്‍കസ് സമ്മേളനത്തിന് പ്രതിനിധികളെ പറഞ്ഞയക്കാറുണ്ട്.
ആഴചകളായി തുര്‍ക്കിയില്‍ ദര്‍സുമായി കഴിഞ്ഞു കൂടുന്നതിനിടയില്‍ കഴിഞ്ഞ വെള്ളിയാഴ്ചയാണ് മരണം സംഭവിച്ചത്. കാന്തപുരം എപി അബൂബക്കര്‍ മുസ് ലിയാര്‍, ഈജിപ്ത് മുന്‍ ഗ്രാന്‍ഡ് മുഫ്തി ഡോ. അലി ജുമുഅ, യു.എ.ഇ ത്വാബ ഫൗണ്ടേഷന്‍ ചെയര്‍മാന്‍ സയ്യിദ് ഹബീബലി ജിഫ്രി, സയ്യിദ് അബ്ദുല്ല ഫദ്അക്ക് ജിദ്ദ തുടങ്ങിയവര്‍ അനുശോനം രേഖപ്പെടുത്തി.
ജനാസ സഊദിയിലേക്ക് കൊണ്ട് വരാന്‍ കഴിയാത്തതിനാല്‍ ശനിയാഴ്ച്ച തുര്‍ക്കിയില്‍ വമ്പിച്ച ജനാവലിയുടെ സാന്നിദ്ധ്യത്തില്‍ ഖബറടക്കി. നിരവധി അന്താരാഷ്ട്ര പണ്ഡിതന്‍മാര്‍ അന്തിമ ചടങ്ങുകള്‍ക്ക് എത്തിയിരുന്നു. മക്കയിലെ ശാഫിഈ മുഫ്തീ ശൈഖ് ഉമര്‍ ജീലാനീ മയ്യിത്ത് നിസ്‌കാരത്തിനും ബഹറൈന്‍ സുന്നീ നേതാവ് ശൈഖ് നാജീ അല്‍ അറബീ അവസാന പ്രാര്‍തനക്കും നേതൃത്വം നല്‍കി.
source http://www.sirajlive.com/2021/06/13/483741.html
Post a Comment