1940ല്‍ കോട്ടക്കല്‍ ആയുര്‍വേദ കോളജില്‍ വൈദ്യപഠനം ആരംഭിച്ച വാര്യര്‍, 1945ലാണ് ആര്യവൈദ്യശാലയുടെ ട്രസ്റ്റ് ബോര്‍ഡ് അംഗമാകുന്നത്. 47മുതല്‍ ഔഷധ നിര്‍മാണ വിഭാഗത്തിലായിരുന്നു പ്രവര്‍ത്തനം. അക്കാലത്ത് തന്നെ ഭരണകാര്യങ്ങളിലും രോഗ പരിശോധന ചികിത്സ എന്നിവയിലും ജ്യേഷ്ഠനെ സഹായിച്ചുപോന്നു. 1954ലാണ് മാനേജിംഗ് ട്രസ്റ്റിയായി ചുമതലയേല്‍ക്കുന്നത്.
92ല്‍ ആര്യവൈദ്യ ശാലയുടെ ചീഫ് ഫിസിഷ്യനായി. ആറരപതിറ്റാണ്ടിലേറെകാലം ഇദ്ദേഹം വൈദ്യരംഗത്ത് തിളങ്ങി. ഭരണപരമായ കാര്യങ്ങളായിരുന്നു ആദ്യകാലങ്ങലില്‍ കൈകാര്യം ചെയ്തിരുന്നത്. പിന്നീട് ആതുര സേവന രംഗത്തേക്കും ഇറങ്ങി. ഇതോടെ പ്രശസ്ഥരായ നിരവധിപേരെ ചികിത്സിക്കാനായി. ഇന്ത്യന്‍ പ്രസിഡന്റായിരുന്ന വി വി ഗിരി, സിരിമാവോഭണ്ഡാരനായക, രാമ്‌നാഥ് ഗോയാങ്ക, ശെമ്മങ്കുടി ശ്രീനിവാസ നായര്‍ തുടങ്ങി ഒട്ടേറെ പേരുണ്ട് ഈ പട്ടികയില്‍.
സാഹിത്യവും കലകളും പാരമ്പര്യമായി കിട്ടിയ അഭിരുചി ഇദ്ദേഹത്തെ ഏറെ ശ്രദ്ധേയനാക്കി. ഇന്ത്യക്കകത്തും പുറത്തുമായി നിരവധി സെമിനാറുകളിലും ചര്‍ച്ചകളിലും പങ്കെടുത്തിട്ടുണ്ട്. ഒട്ടേറെ പുരസ്‌കാരങ്ങളും ഇദ്ദേഹത്തെ തേടിയെത്തി. 1999ല്‍ പത്മശ്രീ നല്‍കി രാജ്യ ഇദ്ദേഹത്തെ ആദരിച്ചു. 2010ല്‍ പത്മഭൂഷണും രാജ്യം ഇദ്ദേഹത്തിന് നല്‍കുകയുണ്ടായി.
source http://www.sirajlive.com/2021/07/10/488183.html
إرسال تعليق