ന്യൂഡല്‍ഹി| ഷവോമി ഓഗസ്റ്റ് 26 ന് ‘എംഐ സ്മാര്‍ട്ടര്‍ ലിവിങ് 2022’ ഇവന്റ് നടത്താന്‍ തീരുമാനിച്ചിരിക്കുകയാണെന്ന് കമ്പനി അറിയിച്ചു. ഇവന്റില്‍ നെക്സ്റ്റ് ജനറേഷന്‍ എംഐ നോട്ട്ബുക്കും ഐഒടി പ്രൊഡക്റ്റുകളുമാണ് അവതരിപ്പിക്കുക. ഒപ്പം എംഐ ബാന്‍ഡ് 6 അവതരിപ്പിക്കുമെന്ന് കമ്പനി വ്യക്തമാക്കി. ഓഗസ്റ്റ് 26ന് ഉച്ചയ്ക്ക് 12 മണിക്കാണ് ലോഞ്ചിങ്. എംഐ ബാന്‍ഡ് 6ന് 1.56 ഇഞ്ച് അമോലെഡ് പാനല്‍, 152×486 പിക്‌സല്‍ സ്‌ക്രീന്‍ റെസല്യൂഷന്‍, 2.5 ഡി കര്‍വ്ഡ് ഗ്ലാസ് എന്നിവയുണ്ടായിരിക്കും.
ഓട്ടം, നടത്തം, ട്രെഡ്മില്‍ റണ്ണിംഗ്, ഔട്ട്ഡോര്‍ സൈക്ലിംഗ്, റോയിംഗ്, എലിപ്റ്റിക്കല്‍ ട്രെയിനിംഗ് എന്നിവ പോലുള്ള 30 സ്‌പോര്‍ട്‌സ് മോഡുകളെ എംഐ ബാന്‍ഡ് 6 സപ്പോര്‍ട്ട് ചെയ്യും. ഓണ്‍ബോര്‍ഡ് സെന്‍സറുകളില്‍ 24/7 ഹാര്‍ട്ട്‌റേറ്റ് മോണിറ്റര്‍ സെന്‍സര്‍, എസ്പിഒ2 സെന്‍സര്‍, സ്ലീപ് ട്രാക്കര്‍, ആര്‍ഇഎം, സ്‌ട്രെസ് മോണിറ്റര്‍ എന്നിവയും ഉള്‍പ്പെടുന്നുണ്ട്. ഒരു മാഗ്‌നെറ്റിക്ക് ചാര്‍ജര്‍ വഴി ചാര്‍ജ് ചെയ്യപ്പെടുന്ന 125 എംഎഎച്ച് ബാറ്ററിയാണ് ഈ ബാന്‍ഡിന് കരുത്ത് പകരുന്നത്.
എംഐ ബാന്‍ഡ് 6 ഗ്ലോബല്‍ വേരിയന്റിനായി 60+ വാച്ച് ഫെയ്‌സുകളും ചൈനീസ് മോഡലിന് 130 ലധികം വാച്ച് ഫെയ്‌സുകളുമായാണ് വരുന്നത്. 5എടിഎം വാട്ടര്‍ റെസിസ്റ്റന്റ്, ആനിമേറ്റഡ് വാച്ച് ഫെയ്‌സ് സപ്പോര്‍ട്ട്, ഒരു വനിതാ ഹെല്‍ത്ത് ട്രാക്കര്‍ എന്നിവയാണ് എംഐ ബാന്‍ഡ് 6ന്റെ മറ്റു സവിശേഷതകള്‍. എംഐ ബാന്‍ഡ് 6 സ്റ്റാന്‍ഡേര്‍ഡ് എഡിഷന് ഏകദേശം 2,550 രൂപയും എന്‍എഫ്‌സി വേരിയന്റിന് ഏകദേശം 3,000 രൂപയുമാണ് വില പ്രതീക്ഷിക്കുന്നത്.
source https://www.sirajlive.com/shawmi-mi-band-6-launches-in-india.html
إرسال تعليق