പണം കൈമാറാനുള്ള കാഷ്ലസ് കോണ്‍ടാക്റ്റ്ലെസ് പ്ലാറ്റ്ഫോം എന്ന പേരിലാണ് ഇ-റുപ്പിയെ അവതരിപ്പിക്കുന്നത്. ഗുണഭോക്താക്കളുടെ മൊബൈലിലേക്ക് കൈമാറുന്ന ക്യുആര്‍ കോഡ്, എസ്എംഎസ് സ്ട്രിങ് എന്നിവ അടിസ്ഥാനമാക്കിയുള്ള ഇ-വൗച്ചറാണിത്. തടസ്സമില്ലാത്ത ഒറ്റത്തവണ പേയ്മെന്റ് സംവിധാനം ഇ-റുപ്പിയിലൂടെ സാധ്യമാകുമെന്നാണ് ഔദ്യോഗിക വിലയിരുത്തല്‍. വൗച്ചര്‍ ഡിജിറ്റല്‍ പേയ്മെന്റ് ആപ്പ് അല്ലെങ്കില്‍ ഇന്റര്‍നെറ്റ് ബേങ്കിംഗ് ആക്‌സസ് ഇല്ലാതെ ഉപയോക്താക്കള്‍ക്ക് റിഡീം ചെയ്യാനും കഴിയും.
മാതൃ-ശിശു ക്ഷേമ പദ്ധതികള്‍, ക്ഷയരോഗ നിര്‍മാര്‍ജന പരിപാടികള്‍, ആയുഷ്മാന്‍ ഭാരത് പ്രധാന മന്ത്രി ജന്‍ ആരോഗ്യ യോജന, വളം സബ്സിഡികള്‍ തുടങ്ങിയവയും മരുന്നുകളും പോഷകാഹാര പിന്തുണയും നല്‍കുന്ന പദ്ധതികള്‍ക്കു കീഴില്‍ സേവനങ്ങള്‍ നല്‍കാനും ഇ-റുപ്പി ഉപയോഗിക്കാം. ക്ഷേമ സേവനങ്ങള്‍ യാതൊരു പ്രശ്നവും ഇല്ലാതെ ആളുകളിലേക്ക് എത്തിക്കുന്ന വിപ്ലവകരമായ സംരംഭമാണ് ഇ-റുപ്പി എന്നാണ് പ്രധാന മന്ത്രി ട്വിറ്ററില്‍ കുറിച്ചത്.
source http://www.sirajlive.com/2021/08/02/491843.html
Post a Comment