ന്യൂഡൽഹി | ഒരു ദിവസം ഒരു കോടിയിലേറെ പോർക്ക് കോവിഡ് വാക്സീൻ നൽകി രാജ്യം പുതിയ ചരിത്രം കുറിച്ചു. വെള്ളിയാഴ്ച 10,063,931 ഡോസ് വാക്സിനാണ് രാജ്യവ്യാപകമായി നൽകിയത്. നേട്ടത്തിൽ ആരോഗ്യ പ്രവർത്തകരെ പ്രധാനമന്ത്രി നരേന്ദ്ര മോദി അഭിനന്ദിച്ചു.
ഉത്തർപ്രദേശിലാണ് ഏറ്റവും കൂടുതൽ പേർ വെള്ളിയാഴ്ച വാക്സിൻ സ്വീകരിച്ചത്. 28 ലക്ഷം. രണ്ടാം സ്ഥാനത്തുള്ള കർണാടക 10 ലക്ഷത്തിലേറെ കുത്തിവയ്പ് നടത്തി. മൂന്നാമതുള്ള മഹാരാഷ്ട്ര 9 ലക്ഷത്തിലധികം വാക്സീനും ഉപയോഗിച്ചതായി കേന്ദ്ര ആരോഗ്യ മന്ത്രാലയം അറിയിച്ചു.
മൂന്നാം തരംഗ ഭീഷണി നിലനിൽക്കെ വാക്സിനേഷൻ ഡ്രെെവ് ഊർജിതമാക്കാൻ കേന്ദ്രം സംസ്ഥാനങ്ങൾക്ക് നിർദേശം നൽകിയിരുന്നു. ഈ ഓഗസ്റ്റിൽ 15 കോടിയിലേറെ ഡോസ് വാക്സീനാണു രാജ്യത്ത് വിതരണം ചെയ്തത്. ഒരു മാസത്തെ ഏറ്റവും ഉയർന്ന കണക്കാണിത്.
source https://www.sirajlive.com/vaccination-of-one-crore-people-in-one-day-new-record-country.html
إرسال تعليق