വൈപ്പിന് | കൊച്ചി വൈപ്പിനില്‍ മത്സ്യ ബന്ധനത്തിന് പോയ ബോട്ട് അപകടത്തില്‍പ്പെട്ടു. സെന്റ് ആന്റണി എന്ന ഇന്‍ ബോര്‍ഡ് വള്ളമാണ് മുങ്ങിയത്. പുലര്‍ച്ചെ വൈപ്പിന് ഹാര്‍ബറില്‍ നിന്ന് മീന്‍ പിടിക്കാന്‍ പോയ വള്ളമാണ് അപകടത്തില്‍പ്പെട്ടത്. മുപ്പത്തിയഞ്ചോളം മത്സ്യത്തൊഴിലാളികള്‍ ഈ ബോട്ടില്‍ ഉണ്ടായിരുന്നു. മീന്‍ പിടിക്കാന്‍ പോയ മറ്റൊരു ബോട്ടിലെ തൊഴിലാളികള്‍ ഇവരെ രക്ഷപ്പെടുത്തി. ആര്‍ക്കും പരുക്കുകളില്ല.
കടലില്‍ നേരത്തേ മുങ്ങിയ മറ്റൊരു ബോട്ടിന്റെ അവശിഷ്ടങ്ങളില്‍ തട്ടിയാണ് അപകടം സംഭവിച്ചത്. പുതു വൈപ്പിന് മൂന്ന് കിലോമീറ്റര്‍ പടിഞ്ഞാറ് വെച്ചായിരുന്നു അപകടം.
source https://www.sirajlive.com/boat-accident-on-vypin-no-crowds.html
Post a Comment