മണ്ണാര്‍ക്കാട്- അട്ടപ്പാടി റൂട്ടിലെ ഗതാഗതം പുനസ്ഥാപിച്ചു

പാലക്കാട് |ചുരം റോഡില്‍ രണ്ടു ട്രെയ്ലര്‍ ലോറികള്‍ കുടുങ്ങിയതിനെ തുടര്‍ന്ന് ഇന്നലെ രാത്രി മുതല്‍ മുടങ്ങിയ മണ്ണാര്‍ക്കാട്- അട്ടപ്പാടി റൂട്ടിലെ ഗതാഗതം പുനസ്ഥാപിച്ചു. 13 മണിക്കൂറിന് ശേഷം റൂട്ടില്‍ വഹനങ്ങള്‍ ഓടിത്തുടങ്ങി. ഗൂഗിള്‍ മാപ്പ് നോക്കിവന്ന ലോറികളാണ് ഇന്നലെ രാത്രി 11മണിയോടെ ചുരം ഏഴാം വളവിന് സമീപം കുടുങ്ങിയത്. ഇതില്‍ ഒരു ലോറി മറിയുകയും ചെയ്തിരുന്നു. ഇത്ര വലിയ വാഹനങ്ങള്‍ ചുരം റോഡ് വഴി പോകില്ലെന്ന മുന്നറിയിപ്പ് വനം വകുപ്പ് ചെക്‌പോസ്റ്റില്‍ നല്‍കാതിരുന്നതാണ് അപകടകാരണമായത്.

മുന്നറിയിപ്പ് നല്‍കിയിരുന്നെങ്കില്‍ അപകടം ഉണ്ടാവില്ലായിരുന്നെന്നും നാട്ടുകാരും ഫയര്‍ഫോഴ്‌സ് ഉദ്യോഗസ്ഥരും പറഞ്ഞു. എന്നാല്‍ ചരക്ക് വാഹനത്തിന് മുന്നറിയിപ്പ് നല്‍കിയിരുന്നതായി വനം വകുപ്പ് ഉദ്യോഗസ്ഥന്‍ പറഞ്ഞു. ഡ്രൈവര്‍മാര്‍ മുന്നറിയിപ്പ് അവഗണിച്ചെന്നും പൊതുഗതാഗതം തടയാനാവില്ലെന്നും വനം വകുപ്പ് ഉദ്യോഗസ്ഥന്‍ പറഞ്ഞു. രാവിലെ മുതല്‍ രണ്ട് ക്രയിനുകള്‍ ഉപയോഗിച്ച് നടത്തിയ ശ്രമഫവമായാണ് ഉച്ചക്ക് 12 മണിയോടെ വാഹനം മാറ്റാനായത്.

 

 

 

 

source https://www.sirajlive.com/google-lorries-get-stuck-in-attapadi-pass-traffic-stopped.html