ന്യൂഡല്‍ഹി | പാക് ചാര സംഘടനയായ ഐ എസ് ഐക്ക് രഹസ്യങ്ങള്‍ ചോര്‍ത്തി നല്‍കിയ സൈനികന്‍ പിടിയില്‍.അംബാല ജില്ലയിലെ നരൈന്‍ഗഡ് സ്വദേശിയായ രോഹിത് കുമാറിനെയാണ് ഹരിയാന പോലീസ് അറസ്റ്റ് ചെയ്തത്.
ഇന്നലെയാണ് സൈനികന്‍ അറസ്റ്റിലായത്. ഭോപ്പാലില്‍ സൈന്യത്തിലെ എന്‍ജിനീയറിംഗ് റെജിമെന്റില്‍ ഹവില്‍ദാറായി ജോലിചെയ്യുകയായിരുന്നു രോഹിത് കുമാര്‍. ഏതാനും ദിവസങ്ങള്‍ക്ക് മുമ്പാണ് രോഹിത് ലീവിന് നാട്ടിലെത്തിയത്. രഹസ്യവിവരത്തിന്റെ അടിസ്ഥാനത്തില്‍ പോലീസ് അദ്ദേഹത്തെ കസ്റ്റഡിയിലെടുത്ത് ചോദ്യം ചെയ്യുകയായിരുന്നു.
പാക് ഏജന്റുമായി തനിക്ക് ബന്ധമുണ്ടെന്നും ഫോട്ടോകള്‍ ഉള്‍പ്പടെയുള്ള രഹസ്യ വിവരങ്ങള്‍ കൈമാറിയിട്ടുണ്ടെന്നും രോഹിത് കുമാര്‍ സമ്മതിച്ചതായാണ് അറിയുന്നത്. ഇയാളുടെ ഫോണുകളും പിടിച്ചെടുത്തിട്ടുണ്ട്. ഫോണിലെ വിവരങ്ങള്‍ വിശദമായി പരിശോധിക്കാനൊരുങ്ങുകയാണ് പോലീസ്
source https://www.sirajlive.com/leaked-secrets-to-isi-soldier-arrested.html
إرسال تعليق