ഇടുക്കി | മുല്ലപ്പെരിയാര്‍ അണക്കെട്ട് ഇന്ന് രാവിലെ എട്ടിന് തുറക്കും. ഇതുമായി ബന്ധപ്പെട്ട് തമിഴ്‌നാട് കേരളത്തിന് മുന്നറിയിപ്പ് നല്‍കി. ജലനിരപ്പ് 141 അടിയിലെത്തിയിട്ടുണ്ട്. അണക്കെട്ടിലേക്കുള്ള നീരൊഴുക്ക് ശക്തമായി തുടരുകയാണ്. അണക്കെട്ട് തുറക്കുന്ന സാഹചര്യത്തില്‍ പെരിയാറിന്റെ ഇരുകരകളിലും താമസിക്കുന്നവര്‍ ജാഗ്രത പാലിക്കണമെന്ന് ഇടുക്കി ജില്ലാ കലക്ടര്‍ നിര്‍ദേശിച്ചു.
ഇടുക്കി അണക്കെട്ടിലെ ജലനിരപ്പും ഉയര്‍ന്നിട്ടുണ്ട്. 2399.38 അടിയാണ് നിലവിലെ ജലനിരപ്പ്. അണക്കെട്ടിന്റെ വൃഷ്ടിപ്രദേശത്ത് കനത്ത മഴ പെയ്യുന്നുണ്ട്. ജലനിരപ്പ് റൂള്‍ കര്‍വിന്റെ 2400.03 അടിക്ക് മുകളില്‍ വന്നാല്‍ അണക്കെട്ടിന്റെ ഷട്ടറുകള്‍ തുറക്കുമെന്ന് അധികൃതര്‍ അറിയിച്ചു. അതിനിടെ, ശക്തമായ മഴയെ തുടര്‍ന്ന് കല്ലാര്‍ അണക്കെട്ടിന്റെ ഷട്ടറുകള്‍ തുറന്നു.
source https://www.sirajlive.com/mullaperiyar-dam-water-level-141-feet-it-opens-at-8-a-m-today.html
إرسال تعليق