ഇന്‍വെര്‍നെസ്| നാമാരും ജീവിക്കാന്‍ ധൈര്യപ്പെടാത്ത ജീവിതം നയിക്കുകയാണ് കെന്‍ സ്മിത്ത് എന്ന 74 കാരന്‍. നാല്‍പത് വര്‍ഷത്തോളമായി കെന്‍ സ്മിത്ത് സാമ്പ്രദായികമായ ജീവിതത്തെ ഒഴിവാക്കി വൈദ്യുതിയോ വെള്ളമോ ഇല്ലാതെ സ്‌കോട്ടിഷ് ഹൈലാന്ഡ്സിലെ കൈകൊണ്ട് നിര്‍മ്മിച്ച ലോഗ് ക്യാബിനില്‍ തന്റെ ഓരോ ദിവസങ്ങളും കഴിക്കുന്നു. ആഗോളതലത്തില്‍ ‘ട്രെയിഗിന്റെ സന്യാസി’ എന്നാണ് സ്മിത്ത് അറിയപ്പെടുന്നത്.
26 വയസ്സുള്ളപ്പോഴാണ് കെന്‍ സ്മിത്തിന്റെ ജീവിതം മാറ്റിമറിച്ച സംഭവം അരങ്ങേറുന്നത്. ഒരു രാത്രി ഗുണ്ടാസംഘത്തിന്റെ ക്രൂരമായ ആക്രമണത്തിന് ശേഷമാണ് അദ്ദേഹം സാധാരണ ജീവിതം ഉപേക്ഷിച്ചത്. ആക്രമണം കെന്‍ സ്മിത്തിന് മസ്തിഷ്‌ക രക്തസ്രാവമുണ്ടാക്കി. 23 ദിവസത്തേക്ക് അദ്ദേഹം അബോധാവസ്ഥയിലായി. അദ്ദേഹം ഒരിക്കലും നടക്കുകയോ സംസാരിക്കുകയോ ചെയ്യില്ലെന്ന് ഡോക്ടര്‍മാര്‍ വിധിയെഴുതി.
എന്നാല്‍ വൈദ്യശാസ്ത്രത്തെ തോല്‍പിച്ചുകൊണ്ട് കെന്‍ സ്മിത്ത് എഴുന്നേറ്റു നടന്നു. അതിനുശേഷം ഒരിക്കലും നിബന്ധനകളില്‍ ജീവിക്കില്ലെന്ന് തീരുമാനമെടുത്തു. മരുഭൂമിയുടെ വിശാലതയിലേക്ക് കണ്ണോടിക്കാന്‍ തുടങ്ങി. കാനഡയിലേക്ക് യാത്ര പോയി. സ്വന്തം വീട്ടിലേക്ക് മടങ്ങാന്‍ തീരുമാനിക്കുന്നതിന് മുമ്പ് 22,000 മൈലുകള്‍ നടന്നു തീര്‍ത്തു.
വീട്ടില്‍ തിരിച്ചെത്തിയപ്പോള്‍ സ്മിത്തിന് കേള്‍ക്കേണ്ടി വന്നത് മാതാപിതാക്കളുടെ മരണ വാര്‍ത്തയാണ്. സങ്കടം സഹിക്കാന്‍ കഴിയാതെ അദ്ദേഹം പൊട്ടിക്കരഞ്ഞു. വീടുവിട്ടിറങ്ങി ബ്രിട്ടനിലെ തന്നെ നീളം കൂടിയ ട്രെക്കിംഗ് ആരംഭിച്ചു. ഒടുവില്‍ 1984ല്‍ സ്‌കോട്ടിഷ് ഹൈലാന്‍ഡ്‌സില്‍ എത്തി. സ്‌കോട്ടിഷ് ഹൈലാന്ഡ്സിലെ റാനോച്ചില്‍ എത്തിയപ്പോള്‍ നഷ്ടങ്ങളെ കുറിച്ചോര്‍ത്ത് കണ്ണീര്‍ വാര്‍ത്തു. കഴിഞ്ഞ കാലത്തെ നല്ല നിമിഷങ്ങളെക്കുറിച്ചും മാതാപിതാക്കളെക്കുറിച്ചുമെല്ലാം ചിന്തിച്ചു.
ബ്രിട്ടനില്‍ ഏറ്റവും ഒറ്റപ്പെട്ട ഒന്നുമില്ലാത്ത വനഭൂമിയില്‍ താമസിക്കാന്‍ തീരുമാനിച്ചു. അടുത്തുള്ള മാര്‍ക്കറ്റിലെത്താന്‍ രണ്ട് മണിക്കൂര്‍ നടക്കണം. അവിടെ സ്മിത്ത് ലോഗ് ക്യാബിന്‍ നിര്‍മ്മിച്ചു. വൈദ്യുതിയില്ല, പൈപ്പ് വെള്ളമോ ഗ്യാസ് കണക്ഷനോ ഇല്ലാതെ കരയെയും സമീപത്തെ അരുവികളെയും ആശ്രയിച്ചാണ് ഇക്കാലമത്രയും സ്മിത്ത് ജീവിക്കുന്നത്. സ്മിത്ത് ബിയര്‍ ഉണ്ടാക്കുകയും വൈന്‍ കുടിക്കുകയും ചെയ്യുന്നു. അദ്ദേഹത്തിന്റെ ശവസംസ്‌കാര ചടങ്ങുകള്‍ക്കായി സ്വന്തമായി നിര്‍മ്മിച്ച 80 ഗാലന്‍ വൈന്‍ സംഭരിച്ചതായും മാധ്യമങ്ങള്‍ റിപ്പോര്‍ട്ട് ചെയ്യുന്നു.
source https://www.sirajlive.com/different-smith-40-years-of-life-without-electricity-and-water.html
إرسال تعليق