യു.പിയില്‍ റോഡുകള്‍ക്കും പേരുമാറ്റം; ആഗ്രയിലെ മുഗള്‍ റോഡ് ഇനി മഹാരാജ അഗ്രസേന്‍ മാര്‍ഗ്

ആഗ്ര| ഉത്തര്‍പ്രദേശില്‍ റോഡുകള്‍ക്കും പേരുമാറ്റം. ആഗ്രയിലെ മുഗള്‍ റോഡിന്റെ പേര് ഇനിമുതല്‍ മഹാരാജ അഗ്രസേന്‍ മാര്‍ഗ് എന്നായിരിക്കും. വരാനിരിക്കുന്ന തലമുറ പ്രമുഖ വ്യക്തികളില്‍നിന്ന് പ്രചോദനം ഉള്‍ക്കൊള്ളണം എന്ന ലക്ഷ്യത്തോടെയാണ് പേരുമാറ്റമെന്ന് ആഗ്ര മേയര്‍ നവീന്‍ ജെയിന്‍ പ്രതികരിച്ചു.

വ്യാപാരികളുടെ നഗരമായ അഗ്രോഹയിലെ പ്രമുഖ രാജാവായിരുന്നു മഹാരാജ അഗ്രസേന്‍. റോഡിന്റെ പേരുമാറ്റല്‍ ചടങ്ങില്‍ നിരവധിപേര്‍ ഇവിടെയെത്തി ആദരാജ്ഞലികള്‍ അര്‍പ്പിച്ചു. നേരത്തേ, സുല്‍ത്താന്‍ഗഞ്ച് പുലിയയുടെ പേര് അന്തരിച്ച സത്യപ്രകാശ് വികാലിന്റെ പേരിലാക്കിയിരുന്നു. ആഗ്രയിലെ ഖാട്ടിയ അസം ഖാന്‍ റോഡിന്റെ പേര് വിശ്വ ഹിന്ദു പരിഷത്ത് നേതാവ് അശോക് സിന്‍ഗാളിന്റെ പേരിലാക്കുകയും ചെയ്തിരുന്നു.

 

source https://www.sirajlive.com/roads-renamed-in-up-the-mughal-road-in-agra-is-now-maharaja-agrasen-marg.html