ജോസ് കെ മാണി രാജ്യസഭാ അംഗമായി ഇന്ന് തിരഞ്ഞെടുക്കപ്പെടും

തിരുവനന്തപുരം | സംസ്ഥാനത്ത് നിന്നും ഒഴിവ് വന്ന രാജ്യസഭാ സീറ്റിലേക്കുള്ള തിരെഞ്ഞെടുപ്പ് ഇന്ന് നടക്കും. എല്‍ ഡി എഫിനായി കേരള കോണ്‍ഗ്രസ് എമ്മിലെ ജോസ് കെ മാണിയും യു ഡി എഫിനായി ശൂരനാട് രാജശേഖരനുമാണ് സ്ഥാനാര്‍ഥികള്‍. നിയമസഭയിലെ നിലവിലെ അംഗബലം അനുസരിച്ച് ജോസ് കെ മാണിയുടെ വിജയം ഉറപ്പാണ്.

99 പ്രതിനിധികളാണ് എല്‍ ഡി എഫിന് ഉള്ളത്. എന്നാല്‍ ഇതില്‍ രണ്ട് വോട്ട് കുറയും. സി പി എമ്മിലെ ന്‍ മന്ത്രി ടി പി രാമകൃഷ്ണനും പി മമ്മിക്കുട്ടിയും കൊവിഡ് ബാധിതരായി ചികിത്സയിലാണ്. യു ഡി എഫിന്റെ 41 അംഗങ്ങളില്‍ പി ടി തോമസും ചികിത്സയിലാണ്. നേരത്തെ നിയസഭയിലേക്ക് മത്സരിക്കാന്‍ ജോസ് കെ മാണി രാജ്യസഭ ആംഗത്വം രാജിവെച്ചിരുന്നു. ഈ ഒഴിവിലേക്കാണ് വീണ്ടും തിരഞ്ഞെടുപ്പ് നടക്കുന്നത്.

 

 

source https://www.sirajlive.com/jose-k-mani-will-be-elected-as-a-member-of-the-rajya-sabha-today.html