തിരുവനന്തപുരം | അനുപമയുടെ കുഞ്ഞിനെ ദത്ത് നല്‍കിയ സംഭവത്തില്‍ മുഖ്യമന്ത്രി കാര്യങ്ങള്‍ നേരത്തെ അറിഞ്ഞിരുന്നുുവെന്ന് സൂചന നല്‍കിക്കൊണ്ടുള്ള കേന്ദ്ര കമ്മിറ്റി അംഗം പി കെ ശ്രീമതിയുടെ ഫോണ്‍ സംഭാഷണം പുറത്ത്. നമുക്കതില്‍ റോള്‍ ഇല്ലെന്നും അനുപമയും അച്ഛനും അമ്മയുമായുള്ള വിഷയമാണെന്നും മുഖ്യമന്ത്രി പറഞ്ഞതായി പി കെ ശ്രീമതി ഫോണ്‍ സംഭാഷണത്തില്‍ പറയുന്നു. അനുപമയും പി കെ ശ്രീമതിയും തമ്മിലുള്ള ഫോണ്‍ സംഭാഷണമാണ് പുറത്ത് വന്നത്. വിഷയം മാധ്യമങ്ങള്‍ ഏറ്റെടുക്കും മുന്‍പുള്ള സംഭാഷണമാണ് ഇപ്പോള്‍ പുറത്തായിരിക്കുന്നത്.
താന്‍ വിഷയം എല്ലാവരോടും സംസാരിച്ചതാണെന്ന് പി കെ ശ്രീമതി അനുപമയോട് ഫോണില്‍ പറയുന്നു. ഇനി തനിക്കൊന്നും ചെയ്യാനാകില്ലെന്നും താന്‍ നിസഹായയാണെന്നും പി കെ ശ്രീമതി തുടര്‍ന്ന് പറയുന്നു.
അതേസമയം, അമ്മയറിയാതെ കുഞ്ഞിനെ ദത്ത് നല്‍കിയ സംഭവത്തില്‍ ശിശു ക്ഷേമ സമതിക്ക് മുന്നിലെ അനുപമയുടെ സമരം മൂന്നാം ദിവസത്തിലേക്ക് കടന്നു. ആവശ്യങ്ങള്‍ അംഗീകരിക്കും വരെയും സമരം ശക്തമായി തുടരും എന്ന് അനുപമ പറഞ്ഞു. ആരോപണവിധേയരെ അന്വേഷണ ഉദ്യോഗസ്ഥര്‍ സംരക്ഷിക്കുകയാണെന്നും അനുപമ ആരോപിച്ചു.
source https://www.sirajlive.com/dutt-controversy-pk-smt.html
Post a Comment