കോഴിക്കോട് | വഖ്ഫ് ബോര്‍ഡ് നിയമനം പി എസ് സിക്ക് വിട്ട സര്‍ക്കാര്‍ നിലപാടിനെതിരെ ഒരു വിഭാഗം മുസ്‌ലിം സംഘടനകള്‍ പ്രക്ഷോഭ പരിപാടികളുമായി മുന്നോട്ട്. മുസ്‌ലിം ലീഗിന്റെ നേതൃത്വത്തില്‍ കഴിഞ്ഞ ആഴ്ച കോഴിക്കോട് ചേര്‍ സംഘടനകളുടെ തീരുമാന പ്രകാരം ഇന്ന് ചേര്‍ന്ന കോര്‍ കമ്മിറ്റി യോഗമാണ് പ്രക്ഷോഭ പരിപാടികള്‍ക്ക് രൂപം നല്‍കിയത്.
ഇടത് സര്‍ക്കാറിന്റെ ധിക്കാരപരമായ സമീപനങ്ങള്‍ക്കതിരായാണ് സമരമെന്ന് കോര്‍കമ്മിറ്റി യോഗത്തിന് ശേഷം നല്‍കിയ വാര്‍ത്താകുറിപ്പില്‍ നേതാക്കള്‍ വ്യക്തമാക്കി. സമരങ്ങളുടെ ആദ്യഘട്ടം വെള്ളിയാഴ്ച ആരംഭിക്കും. മഹല്ലുകളില്‍ ഇത് സംബന്ധിച്ച് പ്രഭാഷണം നടത്താനാണ് തീരുമാനം. ചൊവ്വാഴ്ച വൈകിട്ട് എല്ലാ പഞ്ചായത്തുകളും മഹല്ലുകളും കേന്ദ്രീകരിച്ച് പ്രതിഷേധ റാലി സംഘടിപ്പിക്കും. തുടര്‍ന്ന് കോഴിക്കോടും തിരുവനന്തപുരത്തും ബഹുജന പ്രതിഷേധ സമ്മേളനങ്ങള്‍ നടത്തും.
source https://www.sirajlive.com/waqf-board-appointment-pro-league-muslim-organizations-protest.html
Post a Comment