ന്യൂനമർദം; വ്യാഴാഴ്ച വരെ കനത്ത മഴ

തിരുവനന്തപുരം | വ്യാഴാഴ്ച വരെ കനത്ത മഴ തുടരുമെന്ന് കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ്. മധ്യ കിഴക്കൻ അറബിക്കടലിലെ ന്യൂനമർദം തീവ്ര ന്യൂനമർദമായി മാറിയതിന് പിന്നാലെയാണ് സംസ്ഥാനത്ത് വീണ്ടും മഴ ശക്തിപ്പെട്ടത്. തെക്കു കിഴക്കൻ ബംഗാൾ ഉൾക്കടലിനോട് ചേർന്ന് തെക്ക് ആൻഡമാൻ കടലിൽ നിലനിൽക്കുന്ന ചക്രവാതച്ചുഴി 24 മണിക്കൂറിനുളളിൽ ന്യൂനമർദമായി മാറാൻ സാധ്യതയുണ്ടെന്നും ഇതും കേരളത്തിൽ മഴ ശക്തിപ്പെടാനിടയാക്കുമെന്നുമാണ് നിഗമനം.

മഞ്ഞ ജാഗ്രത
ആലപ്പുഴ, കണ്ണൂർ, കാസർകോട് ഒഴികെയുള്ള എല്ലാ ജില്ലകളിലും ഇന്ന് മഞ്ഞ ജാഗ്രത പ്രഖ്യാപിച്ചു. പത്തനംതിട്ട, കോട്ടയം, ഇടുക്കി, പാലക്കാട്, മലപ്പുറം, കോഴിക്കോട്, വയനാട് ജില്ലകളിൽ നാളെയും തിരുവനന്തപുരം, കൊല്ലം ഒഴികെയുള്ള ജില്ലകളിൽ വ്യാഴാഴ്ചയും മഞ്ഞ ജാഗ്രത പ്രഖ്യാപിച്ചു.

source https://www.sirajlive.com/low-pressure-heavy-rain-until-thursday.html