തിരുവനന്തപുരം | സിറാജ് തിരുവനന്തപുരം യൂനിറ്റ് ചീഫ് കെ എം ബഷീറിന്റെ സ്മരണക്കായി സിറാജ് മാനേജ്‌മെന്റ്ഏർപ്പെടുത്തിയ പ്രഥമ കെ എം ബഷീർ മാധ്യമ പുരസ്‌കാര സമർപ്പണം ഇന്ന് തിരുവനന്തപുരത്ത് നടക്കും. രാവിലെ പതിനൊന്നിന് തമ്പാനൂർ ഹോട്ടൽ അപ്പോളോ ഡിമോറയിൽ നടക്കുന്ന ചടങ്ങിൽ കാന്തപുരം എ പി അബൂബകർ മുസ്‌ലിയാരുടെ സാന്നിധ്യത്തിൽ വിദ്യാഭ്യാസ മന്ത്രി വി ശിവൻകുട്ടി പ്രഥമ കെ എം ബഷീർ മാധ്യമ പുരസ്‌കാരം മാതൃഭൂമി സീനിയർ സബ് എഡിറ്റർ അനു എബ്രഹാമിന് സമർപ്പിക്കും. മന്ത്രി വി അബ്ദുർറഹ്‌മാൻ പൊന്നാട അണിയിക്കും. രമേശ് ചെന്നിത്തല പ്രശംസാപത്രം സമർപ്പിക്കും.
സിറാജ് മാനേജിംഗ് എഡിറ്റർ എൻ അലി അബ്ദുല്ല, മീഡിയ അക്കാദമി ചെയർമാൻ ആർ എസ് ബാബു, പുരസ്‌കാര ജൂറി അംഗങ്ങളായ ജി ശേഖരൻ നായർ, ജേക്കബ് ജോർജ്, കെ യു ഡബ്ല്യു ജെ സംസ്ഥാന പ്രസിഡന്റ് കെ പി റെജി, കെ യു ഡബ്ല്യു ജെ തിരുവനന്തപുരം ജില്ലാ പ്രസിഡന്റ് സുരേഷ് വെള്ളിമംഗലം, പ്രസ്സ്ക്ലബ് സെക്രട്ടറി രാജേഷ് രാജേന്ദ്രൻ, എസ് വൈ എസ് സംസ്ഥാന പ്രസിഡന്റ് സയ്യിദ് ത്വാഹാ തങ്ങൾ, സിറാജ് എഡിറ്റർ ഇൻചാർജ് ടി കെ അബ്ദുൽ ഗഫൂർ, ഡയറക്‌ടർമാരായ എ സൈഫുദ്ദീൻ ഹാജി, മജീദ് കക്കാട്, ഗൾഫ് സിറാജ് എഡിറ്റർ ശരീഫ് കാരശ്ശേരി, ബഷീറിന്റെ സഹോദരൻ കെ അബ്ദുർറഹ്‌മാൻ ഹാജി, എം എം ശംസുദ്ദീൻ, ഖാസിം എ ഖാദർ സംസാരിക്കും.
തത്സമയ പ്രക്ഷേപണം https://youtu.be/mEb3ncvAqgQ ലിങ്കിലും സിറാജ് ഓൺലൈനിലും ലഭ്യമാണ്.
source https://www.sirajlive.com/presentation-of-the-first-km-basheer-media-award-today.html
إرسال تعليق