ബ്രിട്ടീഷ് കൗൺസിൽ അവാർഡ് മർകസ് ഇംഗ്ലീഷ് മീഡിയം സ്കൂൾ ഏറ്റുവാങ്ങി

കോഴിക്കോട് | സ്കൂളുകളുടെ പാഠ്യപദ്ധതികളിൽ അന്താരാഷ്ട്ര നിലവാരവും സമീപനവും പ്രോത്സാഹിപ്പിക്കുന്ന ബ്രിട്ടീഷ് കൗൺസിലിന്റെ അംഗീകാരം വീണ്ടും മർകസ് ഇംഗ്ലീഷ് മീഡിയം സ്കൂളിനെ തേടിയെത്തി. ബ്രിട്ടീഷ് കമ്മീഷന്റെ കീഴിലുള്ള ഏജൻസിയാണ് ബ്രിട്ടീഷ് കൗൺസിൽ. നിരന്തര മൂല്യനിർണയങ്ങൾക്കും നിരീക്ഷണങ്ങൾക്കും ശേഷം നൽകുന്ന ഈ പുരസ്കാരത്തിന് മുമ്പും മർകസ് ഇംഗ്ലീഷ് മീഡിയം സ്കൂൾ അർഹമായിട്ടുണ്ട്.

മർകസിൽ നടന്ന ചടങ്ങിൽ കാന്തപുരം എ പി അബൂബക്കർ മുസ്ലിയാരുടെ സാന്നിധ്യത്തിൽ തുറമുഖം മന്ത്രി  അഹമ്മദ് ദേവർകോവിൽ സ്കൂൾ പ്രിൻസിപ്പൽ കലാം സിദ്ദീക്കിക്ക് അവാർഡ് കൈമാറി. സ്കൂൾ മാനേജർ ഷഹീർ അസ്ഹരി, പി ടി എ പ്രസിഡൻ്റ് ഷൗക്കത്തലി, വൈസ് പ്രിൻസിപ്പൽ മുഹമ്മദ് രിഫായി, അബ്ദുറഹ്മാൻകുട്ടി സംബന്ധിച്ചു.

source https://www.sirajlive.com/marcus-english-medium-school-receives-british-council-award.html