ഹോണര്‍ മാജിക്ക് വി സ്മാര്‍ട്ട്‌ഫോണ്‍ അവതരിപ്പിച്ചു

ന്യൂഡല്‍ഹി| ഹോണര്‍ മാജിക്ക് വി സ്മാര്‍ട്ട് ഫോണ്‍ ചൈനയില്‍ അവതരിപ്പിച്ചു. ഇത് ഫോള്‍ബിള്‍ സ്മാര്‍ട്ട് ഫോണ്‍ ആണ്. ക്യുവല്‍കോമിന്റെ ഏറ്റവും പുതിയ ഫ്‌ളാഗ്ഷിപ്പ് ചിപ്പായ സ്‌നാപ്ഡ്രാഗണ്‍ 8 ജെന്‍ 1 എസ്ഒസി ആണ് ഇതില്‍ ഉപയോഗിച്ചിരിക്കുന്നത്. വണ്‍പ്ലസ് 10 പ്രോയ്ക്ക് ശേഷം ഈ ചിപ്പുമായി പുറത്തിറങ്ങുന്ന സ്മാര്‍ട്ട് ഫോണ്‍ ആണിത്. രണ്ട് പഞ്ച്‌ഹോള്‍ മുന്‍ കാമറകള്‍ ഈ ഫോണിന്റെ പ്രത്യേകതയാണ്.

ആന്‍ഡ്രോയ്ഡ് 12 അടിസ്ഥാനമാക്കിയുള്ള മാജിക് യുഐ 6.0 ആണ് ഈ ഫോണിന്റെ ഓപ്പറേറ്റിംഗ് സിസ്റ്റം. ഫോള്‍ഡ് ഫോണുകളില്‍ ഏറ്റവും സ്ലീം ആയ ഫോണാണ് ഇതെന്നാണ് ഹോണര്‍ അവകാശപ്പെടുന്നത്. 4750 എംഎഎച്ച് ബറ്ററിയാണ് പവര്‍. 66 വാട്ട് അതിവേഗ ചാര്‍ജിംഗ് ഇതിനുണ്ട്. ഫോണില്‍ ആകെ അഞ്ച് കാമറകളുണ്ട്. മൂന്ന് കാമറകള്‍ ഫോണിന് പിന്‍ ഭാഗത്തും ഒന്ന് അകത്തുള്ള ഡിസ്പ്ലേയ്ക്കൊപ്പവും ഒന്ന് പുറത്തുള്ള ഡിസ്പ്ലേയ്ക്കൊപ്പവുമാണ്. 50 എംപി സെന്‍സറുകളാണ് ട്രിപ്പിള്‍ കാമറയിലുള്ളത്.

സ്മാര്‍ട്ട്‌ഫോണിന്റെ അടിസ്ഥാന പതിപ്പായ 12 ജിബി റാം+256 സ്റ്റോറേജ് പതിപ്പിന് 9,999 യുവാന്‍ ആണ് വില. ഇത് ഇന്ത്യന്‍ രൂപയില്‍ 1,16,000 രൂപ വില വരും. അതേസമയം 512 ജിബി പതിപ്പിന് 1,27,600 രൂപയോളം വിലവരും. ഇന്ത്യയില്‍ ഈ ഫോണുകള്‍ എത്തുമ്പോള്‍ വിലയില്‍ വലിയ വ്യത്യാസമുണ്ടാകും. ജനുവരി 18 മുതല്‍ ചൈനയില്‍ ഫോണ്‍ വില്‍പ്പന ആരംഭിക്കും. ബ്ലാക്ക്, ഓറഞ്ച്, സ്‌പേസ് സില്‍വര്‍ എന്നീ നിറങ്ങളില്‍ ഫോണ്‍ ലഭ്യമാണ്.

 

source https://www.sirajlive.com/honor-magic-v-introduces-smartphone.html