ദമാം | ദമാമിലെ പ്രമുഖ ക്രിക്കറ്റ് കൂട്ടായ്മയായ ടി എം സി സി (തലശ്ശേരി മാഹി ക്രിക്കറ്റ് കൂട്ടായ്മ) അഞ്ചാമത് ടി10 ക്രിക്കറ്റ് ടൂര്‍ണമെന്റ് സംഘടിപ്പിക്കുന്നു. മാര്‍ച്ച് 17, 18 തീയതികളില്‍ ഗുഖ ഗ്രൗണ്ടിലാണ് ദ്വിദിന മത്സരങ്ങള്‍ അരങ്ങേറുക. പള്ളിത്താഴ റോക്കേഴ്‌സ്, കതിരൂര്‍ ഗുരിക്കള്‍സ്, നെട്ടൂര്‍ ഫൈറ്റേഴ്‌സ്, കോര്‍ട്ട്യാഡ് വിസാഡ്, സൈദാര്‍ പള്ളി കിംഗ്സ്, മാഹി സ്‌ട്രൈക്കേഴ്‌സ് എന്നീ ആറ് ടീമുകളാണ് ടൂര്‍ണമെന്റില്‍ മാറ്റുരക്കുകയെന്ന് ഭാരവാഹികള്‍ വാര്‍ത്താ സമ്മേളനത്തില്‍ അറിയിച്ചു.
വ്യാഴാഴ്ച ലീഗ് മത്സരങ്ങളും വെള്ളിയാഴ്ച വൈകിട്ട് ഏഴ് മുതല്‍ സെമി ഫൈനല്‍, ഫൈനല്‍ മത്സരങ്ങളുമാണ് നടക്കുക. തലശ്ശേരി, മാഹി എന്നിവിടങ്ങളില്‍ നിന്നുള്ളവരാണ് മത്സരത്തില്‍ പങ്കെടുക്കുന്നത്. കേരളത്തിലേയും പുറത്തെയും ക്രിക്കറ്റ് പ്രേമികളടക്കം പങ്കെടുക്കുന്ന ടൂര്‍ണമെന്റ് ടി എം സി സി കുടുംബ സംഗമം കൂടിയായി മാറുമെന്നും കുടുംബിനികള്‍ തയാറാക്കുന്ന രുചിയൂറും തലശ്ശേരി വിഭവങ്ങള്‍ ലഭ്യമാകുമെന്നും ഭാരവാഹികള്‍ അറിയിച്ചു.
ഒന്നും രണ്ടും സ്ഥാനങ്ങള്‍ നേടുന്ന ടീമുകള്‍ക്ക് കാഷ് അവാര്‍ഡും ട്രോഫിയും സമ്മാനിക്കും. ദമാമില്‍ നടന്ന വാര്‍ത്താ സമ്മേളനത്തില്‍ ടി എം സി സി ഭാരവാഹികളായ ഇംതിയാസ് അലി അബ്ദുല്ല, മുസ്തഫ തലശ്ശേരി, ഷറഫ് താഴത്ത്, നിമര്‍ അമീറുദ്ദീന്‍, സഹല്‍ തലശ്ശേരി, വി സി ഷൈജസ് പങ്കെടുത്തു.
source https://www.sirajlive.com/tmcc-is-hosting-the-5th-t10-cricket-tournament.html
إرسال تعليق