ബ്യൂണസ് ഐറിസ് | ലോകകപ്പ് യോഗ്യതാ മത്സരത്തില്‍ നാളെ അര്‍ജന്റീന വെനസ്വേലയെ നേരിടും. ശനിയാഴ്ച ഇന്ത്യന്‍ സമയം പുലര്‍ച്ചെ അഞ്ചിനാണ് മത്സരം. 15 മത്സരങ്ങളില്‍ നിന്നായി പത്ത് ജയവും അഞ്ച് സമനിലകളുമായി അര്‍ജന്റീന ഇതിനകം യോഗ്യത നേടിക്കഴിഞ്ഞിട്ടുണ്ട്. ലാറ്റിനമേരിക്കന്‍ യോഗ്യതാ പോരാട്ടത്തില്‍ രണ്ടാം സ്ഥാനത്താണ് അര്‍ജന്റീന. 16 മത്സരങ്ങളില്‍ മൂന്ന് ജയം മാത്രമുള്ള വെനസ്വേല യോഗ്യത നേടാനാകാതെ പുറത്തായി.
കഴിഞ്ഞ മത്സരത്തില്‍ അര്‍ജന്റീന കൊളംബിയയെ ഏകപക്ഷീയമായ ഒരു ഗോളിന് തോല്‍പ്പിച്ചിരുന്നു. എന്നാല്‍, വെനസ്വേല ഒന്നിനെതിരെ നാല് ഗോളുകള്‍ക്ക് ഉറുഗ്വെയോട് തോല്‍ക്കുകയായിരുന്നു.
source https://www.sirajlive.com/world-cup-qualification-argentina-venezuela-clash-tomorrow.html
إرسال تعليق