സഞ്ജുവിന്റെ വെടിക്കെട്ട്; രാജസ്ഥാന് വന്‍ ജയം

പൂണെ | മലയാളി താരം സഞ്ജു സാംസണ്‍ കത്തിക്കയറിയ മത്സരത്തില്‍ സണ്‍റൈസേഴ്സ് ഹൈദരാബാദിനെതിരെ രാജസ്ഥാന്‍ റോയല്‍സിന് 61 റണ്‍സ് ജയം. 27 പന്തില്‍ സഞ്ജു നേടിയ 55 റണ്‍സ് രാജസ്ഥാന്‍ വിജയത്തില്‍ നിര്‍ണായകമായി. ദേവദത്ത് പടിക്കലും (29 പന്തില്‍ 41) ബാറ്റിംഗ് വെടിക്കെട്ട് തീര്‍ത്തു. രാജസ്ഥാന്‍ ഉയര്‍ത്തിയ 210 റണ്‍സിന് ഹൈദരാബാദിന്റെ മറുപടി 149 റണ്‍സിലൊതുങ്ങി. എയ്ഡന്‍ മാര്‍ക്രം (41 പന്തില്‍ പുറത്താകാതെ 57), വാഷിംഗ്ടണ്‍ സുന്ദര്‍ (14 പന്തില്‍ 40), റോമാരിയോ ഷെപ്പേര്‍ഡ് (18 പന്തില്‍ 24) എന്നിവര്‍ അടിച്ചുതകര്‍ത്തെങ്കിലും ഹൈദരാബാദിനെ വിജയത്തിലെത്തിക്കാനായില്ല.

സഞ്ജു, ദേവദത്ത് എന്നിവര്‍ക്കൊപ്പം ജോസ് ബട്ലര്‍ (28 പന്തില്‍ 35), ഷിംറോണ്‍ ഹെറ്റ്മെയര്‍ (13 പന്തില്‍ 32), യശ്വസി ജയ്സ്വാള്‍ (16 പന്തില്‍ 20) എന്നിവരും മികച്ച ബാറ്റിംഗ് പുറത്തെടുത്തതോടെ ആദ്യം ബാറ്റ് ചെയ്ത രാജസ്ഥാന്‍ 20 ഓവറില്‍ ആറ് വിക്കറ്റ് നഷ്ടത്തില്‍ 210 റണ്‍സാണ് അടിച്ചുകൂട്ടിയത്.

 

source https://www.sirajlive.com/sanju-39-s-shot-great-victory-for-rajasthan.html