കൊച്ചി | പ്രഭാത സവാരിക്കിറങ്ങുന്ന സ്ത്രീകളെ ശല്യം ചെയ്തുവന്നിരുന്ന യുവാവിനെ എറണാകുളത്ത് നിന്നും പോലീസ് പിടികൂടി. കോട്ടയം കുറുവിലങ്ങാട് കുളത്തൂര്‍ സ്വദേശിയായ ഇമ്മാനുവേല്‍ (31) ആണ് പിടിയിലായത്. മൂവാറ്റുപുഴയില്‍ സ്വകാര്യ സ്ഥാപനത്തില്‍ സര്‍വീസ് എന്‍ജിനീയറാണ് ഇയാള്‍.എറണാകുളം സൗത്ത് പനമ്പള്ളി നഗര്‍ ഭാഗത്ത് നടക്കാനിറങ്ങുന്ന സ്ത്രീകളെയാണ് ഇയാള്‍ ലക്ഷ്യമിട്ടിരുന്നത്. സ്‌കൂട്ടറിന്റെ നമ്പര്‍ പ്ലേറ്റ് അഴിച്ചുമാറ്റിയ ശേഷം ഈ ഭാഗത്ത് കറങ്ങി നടന്നാണ് പ്രതി നഗ്‌നതാ പ്രദര്‍ശനവും സ്ത്രീകളെ കയറിപ്പിടിക്കലും തുടര്‍ന്ന് വന്നത്. ഇതുവരെ അമ്പതോളം സ്ത്രീകളെ ഇത്തരത്തില്‍ ഇയാള്‍ ശല്യം ചെയ്തിരുന്നു. ഇതുമായി ബന്ധപ്പെട്ട് പതിനൊന്നോളം പേര്‍ പോലീസില്‍ പരാതി നല്‍കിയിരുന്നു.
കമ്മീഷണറുടെ നിര്‍ദ്ദേശത്തെ തുടര്‍ന്ന് മഫ്തിയില്‍ ഷാഡോ പോലീസ് രംഗത്ത് ഇറങ്ങി. ഇവര്‍ പ്രതിയെ സാധാരണ കാണാറുള്ള ഭാഗത്ത് നിരീക്ഷണം ചെയ്തുവന്നു. ഇതറിയാതെ വീണ്ടും സ്ത്രീകളെ ലക്ഷ്യമിട്ട് എത്തിയ പ്രതി പോലീസിന്റെ പിടിയിലാവുകയായിരുന്നു
source https://www.sirajlive.com/young-engineer-arrested-for-harassing-women-on-morning-walks.html
إرسال تعليق