ന്യൂഡല്‍ഹി | ഇന്ത്യ തദ്ദേശീയമായി വികസിപ്പിച്ച ടാങ്ക് വേധ മിസൈലായ ‘ഹെലിന’ വിജയകരമായി പരീക്ഷിച്ചു. ധ്രുവ് ഹെലികോപ്റ്ററില്‍ നിന്നാണ് മിസൈല്‍ വിക്ഷേപിച്ചത്. രാജസ്ഥാനിലെ പൊക്രാന്‍ ഫയറിങ് റെയ്ഞ്ചിലായിരുന്നു പരീക്ഷണ വിക്ഷേപണം. ഏഴ് കിലോമീറ്റര്‍ വരെ ഉയരത്തില്‍ നിന്ന് തൊടുത്താലും ലക്ഷ്യം കൃത്യമായി ഭേദിക്കുമെന്നതാണ് ഈ മിസൈലിന്റെ പ്രത്യേകത. പകലെന്നോ രാത്രിയെന്നോ വ്യത്യാസമില്ലാതെ പ്രയോഗിക്കാന്‍ കഴിയുമെന്നത് മറ്റൊരു സവിശേഷതയാണ്.
ഇന്‍ഫ്രാറെഡ് ഇമേജിങ് സിസ്റ്റം വഴിയാണ് മിസൈലിനെ നിയന്ത്രിക്കുന്നത്. ഡിഫന്‍സ് റിസര്‍ച്ച് ആന്‍ഡ് ഡെവലപ്മെന്റ് ഓര്‍ഗനൈസേഷന്‍ (ഡി ആര്‍ ഡി ഒ), വ്യോമസേന, കരസേന എന്നിവര്‍ സംയുക്തമായാണ് പരീക്ഷണം നടത്തിയത്.
source https://www.sirajlive.com/india-39-s-anti-tank-missile-39-helena-39-successfully-tested.html
إرسال تعليق