കൊല്‍ക്കത്തക്ക് തകര്‍പ്പന്‍ ജയം; മുംബൈയെ തോല്‍പ്പിച്ചത് അഞ്ച് വിക്കറ്റിന്

മുംബൈ | ഐ പി എലില്‍ കൊല്‍ക്കത്ത നൈറ്റ് റൈഡേഴ്‌സിന് തകര്‍പ്പന്‍ ജയം. മുംബൈയെയാണ് അഞ്ചു വിക്കറ്റിന് തോല്‍പ്പിച്ചത്. മുംബൈയുടെ 161 റണ്‍സ് 24 പന്ത് ശേഷിക്കെയാണ് കൊല്‍ക്കത്ത മറികടന്നത്. സ്‌കോര്‍: മുംബൈ- 20 ഓവറില്‍ 161/4. കൊല്‍ക്കത്ത- 16 ഓവറില്‍ 162/5.

പാറ്റ് കമ്മിന്‍സിന്റെ അതിവേഗ അര്‍ധ ശതകമാണ് കൊല്‍ക്കത്ത വിജയത്തില്‍ നിര്‍ണായകമായത്. 15 പന്തില്‍ ആറ് സിക്‌സും നാല് ഫോറും പറത്തിയ കമ്മിന്‍സ് 56 റണ്‍സ് എടുത്ത് പുറത്താകാതെ നിന്നു. ഇതോടെ കമ്മിന്‍സ്, ഐ പി എലില്‍ അതിവേഗ അര്‍ധ ശതകം തികച്ച കെ എല്‍ രാഹുലിന്റെ റെക്കോഡിനൊപ്പം എത്തി. 41 പന്തില്‍ 50 റണ്‍സുമായി വെങ്കടേഷ് അയ്യരും ക്രീസിലുണ്ടായിരുന്നു. 52 റണ്‍സെടുത്ത സൂര്യകുമാര്‍ യാദവാണ് മുംബൈയുടെ ടോപ് സ്‌കോറര്‍.

source https://www.sirajlive.com/kolkata-win-by-a-huge-margin-they-beat-mumbai-by-five-wickets.html