ചിന്തന്‍ ശിബിരത്തിന് ഇന്ന് സമാപനം; പുതിയ നയരേഖ പ്രഖ്യാപനം കെ സുധാകരന്‍ നടത്തും

കോഴിക്കോട് |  കോഴിക്കോട് നടക്കുന്ന കോണ്‍ഗ്രസ് ചിന്തന്‍ ശിബിരത്തിന് ഇന്ന് സമാപനമാകും. കോണ്‍ഗ്രസിന്റെ പുതിയ നയരേഖ പ്രഖ്യാപനം കെ പി സി സി പ്രസിഡന്റ് കെ സുധാകരന്‍ നടത്തും. അഞ്ച് ഉപസമിതികളായി തിരിഞ്ഞുള്ള ചര്‍ച്ചകളില്‍ നിന്നുള്ള നിര്‍ദ്ദേശങ്ങള്‍ ഉച്ചയോടെ ചേരുന്ന ജനറല്‍ കൗണ്‍സില്‍ അംഗീകരിക്കും. ഇതിന് ശേഷമായിരിക്കും നയരേഖ പ്രഖ്യാപനം.

2024 ലെ ലോക്‌സഭാ തിരഞ്ഞെടുപ്പില്‍ മികച്ച വിജയം നേടാനുള്ള തന്ത്രങ്ങള്‍ക്ക് രൂപം നല്‍കുകയെന്നതാണ് പ്രധാന അജണ്ട. നഷ്ടമായ ന്യൂനപക്ഷ വോട്ടുകള്‍ തിരികെ പിടിക്കുക, താഴേത്തട്ടില്‍ സംഘടനാ സംവിധാനം ശക്തിപ്പെടുത്തുക തുടങ്ങിയവക്കായുള്ള നടപടികളും ശിബിരത്തില്‍ പ്രഖ്യാപിക്കും.സംഘടനാ സംവിധാനം ശക്തമാക്കുന്നതിനൊപ്പം ലോക് സഭാ തിരഞ്ഞെടുപ്പ് തന്ത്രങ്ങളും രണ്ട് ദിവസത്തെ ചിന്തന്‍ ശിബിറില്‍ ചര്‍ച്ചയായിരുന്നു. കെ പി സി സി ഭാരവാഹികള്‍ക്കു പുറമേ ഡിസിസി പ്രസിഡന്റുമാരും പോഷകസംഘടനാ ഭാരവാഹികളുമടക്കം 200 ഓളം പ്രതിനിധികളാണ് കോഴിക്കോട് ബീച്ചിന് സമീപമുള്ള ആസ്പിന്‍കോര്‍ട്ട് യാര്‍ഡില്‍ നടക്കുന്ന ചിന്തിന്‍ ശിബിരത്തില്‍ പങ്കെടുക്കുന്നത്.

 

source https://www.sirajlive.com/chintin-shibiram-concludes-today-k-sudhakaran-will-announce-the-new-policy.html