കണ്ണൂർ | ഇരിട്ടി പേരാവൂരില്‍ മൂന്നിടത്ത് ഉരുള്‍പൊട്ടല്‍. പ്രദേശത്ത് കഴിഞ്ഞ മണിക്കൂറുകളിൽ കനത്ത മഴയുണ്ടായിരുന്നു. രണ്ട് പേരെ കാണാതായി. കാണാതായവരിൽ ഒരു കുട്ടിയുമുണ്ട്. നെടുംപുറംചാലിലും പൂളക്കുറ്റിയിലും കണ്ണവം വനത്തിലുമാണ് ഉരുൾപൊട്ടലുണ്ടായത്. പോലീസും ഫയർഫോഴ്സും നാട്ടുകാരും രക്ഷാപ്രവർത്തനം നടത്തുന്നുണ്ട്.
അതിനിടെ, തലശ്ശേരി, ഇരിട്ടി താലൂക്കുകളിലെ വിദ്യാഭ്യാസ സ്ഥാപനങ്ങൾക്ക് നാളെ കണ്ണൂർ ജില്ലാ കലക്ടർ അവധി പ്രഖ്യാപിച്ചു. കോളയാട്, കണിച്ചാർ തുടങ്ങിയ പ്രദേശങ്ങളിൽ കനത്ത മഴ മൂലം ഗതാഗത തടസ്സങ്ങൾ അനുഭവപ്പെടുന്നതിനാലാണിത്. പ്രൊഫഷണൽ കോളേജുകൾ ഉൾപ്പെടെയുള്ള വിദ്യാഭ്യാസ സ്ഥാപനങ്ങൾക്കാണ് അവധി. മുൻകൂട്ടി നിശ്ചയിച്ചിട്ടുള്ള യൂണിവേഴ്സിറ്റി/ കോളേജ് പരീക്ഷകൾ ഉണ്ടാകും.
source https://www.sirajlive.com/landslide-in-kannur-peravoor-two-people-are-missing.html
إرسال تعليق