മരണത്തിന് പിന്നില്‍ ഷൈബിന്‍ അഷറഫെന്ന് വെളിപ്പെടുത്തല്‍; ഡെന്‍സിയുടെ റീപോസ്റ്റ്‌മോര്‍ട്ടം ഇന്ന്

തൃശൂര്‍ |  അബുദാബിയില്‍ കൊല്ലപ്പെട്ട ചാലക്കുടി സ്വദേശി വാളിയേങ്കല്‍ ഡെന്‍സിയുടെ റീപോസ്റ്റുമോര്‍ട്ടം ഇന്ന് നടത്തും. സംസ്‌കാരം നടന്ന സെന്റ് ജോസഫ് പള്ളിയിലെ കല്ലറ തുറന്നാണ് റീപോസ്റ്റ്‌മോര്‍ട്ടം നടത്തുക. ഇരിങ്ങാലക്കുട ആര്‍ഡിഒയുടെ അനുമതിയോടെയാണ് നടപടി. പാരമ്പര്യ വൈദ്യനെ കൊലപ്പെടുത്തിയ കേസിലെ മുഖ്യപ്രതിയാണ് ഡെന്‍സിയുടെ മരണത്തിന് പിന്നിലെന്ന വെളിപ്പെടുത്തലിന് പിറകെയാണ് മൃതദേഹം റിപോസ്റ്റ്‌മോര്‍ട്ടം ചെയ്യുന്നത്.

കോഴിക്കോട് സ്വദേശി ഹാരിസിന്റെ അബുദാബിയിലെ സ്ഥാപനത്തിലായിരുന്നു ഡെന്‍സിക്ക് ജോലി. 2020 മാര്‍ച്ച് അഞ്ചിനാണ് ഹാരിസിനെയും ഡെന്‍സിയെയും മരിച്ചനിലയില്‍ കണ്ടെത്തിയത്. പാരമ്പര്യ വൈദ്യന്‍ മൈസൂരുവിലെ ഷാബ ഷെരീഫിനെ തട്ടിക്കൊണ്ടുപോയി കൊലപ്പെടുത്തിയ കേസിലെ പ്രധാന പ്രതി നിലമ്പൂര്‍ കൈപ്പഞ്ചേരി സ്വദേശി ഷൈബിന്‍ അഷറഫാണ് കൊലയുടെ സൂത്രധാരന്‍ എന്ന് കൂട്ടുപ്രതികളുടെ മൊഴിയോടെയാണ് ഇരട്ടക്കൊലപാതകത്തിന്റെ ചുരുളഴിഞ്ഞത്.

ഷൈബിന്‍ അഷറഫ് ഹാരിസിന്റെ ബിസിനസ് പങ്കാളിയായിരുന്നു. ഈ കേസ് അന്വേഷിക്കുന്ന നിലമ്പൂര്‍ ഡിവൈഎസ്പി സാജു കെ എബ്രഹാമിന്റെ
അപേക്ഷ പ്രകാരമാണ് റീ പോസ്റ്റുമോര്‍ട്ടം.

 

source https://www.sirajlive.com/revealing-that-shaibin-ashraf-was-behind-the-death-dency-39-s-repostmortem-today.html