ദുബൈയിൽ സഹ താമസക്കാരുടെ വിവരങ്ങൾ രജിസ്റ്റർ ചെയ്യണം

ദുബൈ | ഉടമസ്ഥതയിലുള്ളതോ പാട്ടത്തിനെടുത്തതോ ആയ വസ്തുവിലെ സഹവാസികളുടെ വിശദാംശങ്ങൾ രജിസ്റ്റർ ചെയ്യാൻ ദുബൈ ലാൻഡ് ഡിപ്പാർട്മെന്റ് നീർദേശം നൽകി. ഡെവലപ്പർമാർ, പ്രോപ്പർട്ടി മാനേജ്മെന്റ് കമ്പനികൾ, വാടകക്കാർ എന്നിവർക്ക് രജിസ്റ്റർ ചെയ്യാം. ദുബൈ റെസ്റ്റ് ആപ് വഴിയാണ് രജിസ്‌ട്രേഷൻ നടത്തേണ്ടത്.

രണ്ടാഴ്ചക്കുള്ളിൽ രജിസ്റ്റർ ചെയ്യണം. വ്യക്തിഗത വിശദാംശങ്ങളും എമിറേറ്റ്സ് ഐ ഡിയും ചേർക്കുന്നതുൾപ്പെടെയുള്ള നടപടിക്രമങ്ങൾ പാലിക്കണം. രജിസ്റ്റർ ചെയ്തുകഴിഞ്ഞാൽ, വാടക കരാറിൽ സഹ താമസക്കാരുടെ വിശദാംശങ്ങൾ സ്വയമേവ രേഖപ്പെടുത്തും.

എങ്ങനെ രജിസ്റ്റർ ചെയ്യാം

ദുബൈ റെസ്റ്റ് ആപ് തുറന്ന് ആപ്ലിക്കേഷനിൽ ലോഗിൻ ചെയ്യുക

ഒരു “വ്യക്തി’ എന്ന നിലയിൽ നിങ്ങളുടെ റോൾ തിരഞ്ഞെടുത്ത് വേഗത്തിലുള്ള പ്രവേശനത്തിനായി യു എ ഇ പാസ് ഉപയോഗിച്ച് ലോഗിൻ ചെയ്യുക

യു എ ഇ പാസ് ആപ് വഴി സ്വയം പ്രാമാണീകരിക്കുക

ഡാഷ്ബോർഡിൽ നിന്ന്, നിങ്ങൾ വാടകക്കാരൻ/ ഉടമയായ വസ്തു തിരഞ്ഞെടുക്കുക

വാടകക്കാരന്റെ പേര് തിരഞ്ഞെടുക്കുക

നിങ്ങൾ വാടകക്കാരനായ വസ്തുവിലേക്ക് സഹ താമസക്കാരെ ചേർക്കാൻ “കൂടുതൽ ചേർക്കുക’ തിരഞ്ഞെടുക്കുക

എമിറേറ്റ്‌സ് ഐഡിയും ജനനത്തീയതിയും നൽകി പരിശോധിക്കുക

ആ വസ്തുവിൽ താമസിക്കുന്ന എല്ലാ കുടുംബാംഗങ്ങളെയും ചേർക്കുക

ഒരു സഹവാസിയെ നീക്കം ചെയ്യാൻ, ഡിലീറ്റ് ഐക്കൺ തിരഞ്ഞെടുക്കുക.

source https://www.sirajlive.com/details-of-co-residents-should-be-registered-in-dubai.html