എസ് വൈ എസ് എനർജിയ: ദ്വിദിന നേതൃ ക്യാമ്പ് ശനിയാഴ്ച ആരംഭിക്കും

കോഴിക്കോട് | എസ് വൈ എസ് കോഴിക്കോട് ജില്ലാ കമ്മിറ്റിയുടെ ആഭിമുഖ്യത്തിൽ നടത്തുന്ന സോൺ ക്യാബിനറ്റ് അംഗങ്ങൾക്ക് വേണ്ടിയുള്ള ദ്വിദിന നേതൃത്വ പരിശീലന ക്യാമ്പ് ശനിയാഴ്ച വൈകുന്നേരം നാല് മണിക്ക് ആരംഭിക്കും. കുറ്റിയാടി സിറാജുൽ ഹുദയിൽ നടക്കുന്ന ക്യാമ്പ് എസ് വൈ എസ് സംസ്ഥാന പ്രസിഡണ്ട് സയ്യിദ് ത്വഹാ തങ്ങൾ ഉദ്ഘാടനംചെയ്യും. വിവിധ സെഷനുകളിൽ പേരോട് അബ്ദുറഹ്മാൻ സഖാഫി, ഇബ്രാഹിം സഖാഫി കുമോളി, എം അബ്ദുൽ മജീദ്, ആർ പി ഹുസൈൻ എന്നിവർ നേതൃത്വം നൽകും.

സംഘടനാ പുന സംഘടനാ പ്രവർത്തനങ്ങളുടെ ഭാഗമായി ജില്ലയിൽ നടപ്പിലാക്കുന്ന സംഘടനാ ശാക്തീകരണം, ഘടക പുനക്രമീകരണം, അംഗത്വ വ്യാപനം എന്നീ വിഷയങ്ങളിൽ സമഗ്രമായ പഠനങ്ങളും ചർച്ചകളും നടക്കും.

ജില്ലയിലെ സോൺ ഘടകങ്ങളിൽ നിന്ന് തെരഞ്ഞെടുക്കപ്പെട്ട പ്രതിനിധികളാണ് ക്യാമ്പിൽ സംബന്ധിക്കുന്നത്. ക്യാമ്പ് ഞായറാഴ്ച നാലുമണിക്ക് സമാപിക്കും.

source https://www.sirajlive.com/sys-energy-the-two-day-leadership-camp-will-begin-on-saturday.html