തിരുവനന്തപുരം | സി പി എം മുന്‍ സംസ്ഥാന സെക്രട്ടറി കോടിയേരി ബാലകൃഷ്ണന്റെ സംസ്‌കാരം നാളെ വൈകിട്ട് മൂന്നിന് പയ്യാമ്പലത്ത്. കോടിയേരിയുടെ മൃതദേഹവും വഹിച്ചുള്ള എയര്‍ ആംബുലന്‍സ് ഇന്ന് രാവിലെ 10.30ന് ചെന്നൈയില്‍ നിന്ന് പുറപ്പെടും. 12ഓടെ കണ്ണൂര്‍ വിമാനത്താവളത്തിലെത്തും. വിമാനത്താവളത്തില്‍ നിന്ന് വിലാപയാത്രയായി മൃതദേഹം തലശ്ശേരിയിലേക്ക് കൊണ്ടുപോകും. വൈകിട്ട് മൂന്ന് മുതല്‍ മൃതദേഹം തലശ്ശേരി ടൗണ്‍ ഹാളില്‍ പൊതുദര്‍ശനത്തിന് വെക്കും.
കോടിയേരിയുടെ ഭാര്യ വിനോദിനി, മകന്‍ ബിനോയ്, ഭാര്യ റെനീറ്റ എന്നിവര്‍ മൃതദേഹത്തെ അനുഗമിക്കും. നാളെ തലശ്ശേരി, കണ്ണൂര്‍, ധര്‍മ്മടം എന്നിവിടങ്ങളില്‍ ഹര്‍ത്താല്‍ ആചരിക്കും.
source https://www.sirajlive.com/kodiyeri-39-s-body-will-arrive-today-burial-is-tomorrow.html
إرسال تعليق