ലണ്ടന്‍ | യൂറോപ്പില്‍ പര്യടനത്തിലുള്ള മുഖ്യമന്ത്രി പിണറായി വിജയന്‍ ഇന്ന് ബ്രിട്ടനില്‍ ലോക കേരളസഭയുടെ യു കെ-യൂറോപ്പ് മേഖലാ സമ്മേളനം ഉദ്ഘാടനം ചെയ്യും. മന്ത്രിമാരായ പി രാജീവ്, വി ശിവന്‍കുട്ടി, വീണാ ജോര്‍ജ് എന്നിവരും പരിപാടിയില്‍ പങ്കെടുക്കും.
ഇന്ന് വൈകിട്ട് നടക്കുന്ന മലയാളി പ്രവാസി സമ്മേളനത്തിലും മുഖ്യമന്ത്രി പങ്കെടുക്കുന്നുണ്ട്. നവകേരള നിര്‍മാാണം; പ്രതീക്ഷകളും സാധ്യതകളും പ്രവാസികളുടെ പങ്കും, വൈജ്ഞാനിക സമൂഹ നിര്‍മിതിയും പ്രവാസലോകവും, ലോക-കേരള സഭാ പ്രവാസി സമൂഹവും സംഘടനകളും, യൂറോപ്യന്‍ കുടിയേറ്റം; അനുഭവങ്ങളും വെല്ലുവിളികളും എന്നീ വിഷയങ്ങള്‍ സമ്മേളനത്തില്‍ ചര്‍ച്ച നടത്തും.
നാളെ മുഖ്യമന്ത്രി കാര്‍ഡിഫ് സര്‍വകലാശാല സന്ദര്‍ശിക്കും. മലയാളി നഴ്‌സുമാര്‍ക്ക് കൂടുതല്‍ അവസരം ലഭ്യമാക്കുന്ന തരത്തിലുള്ള കരാറില്‍ മുഖ്യമന്ത്രി ഒപ്പിടും. ചൊവ്വാഴ്ച ബ്രിട്ടനിലെ മലയാളി വ്യാപാരി സമൂഹവുമായി അദ്ദേഹം കൂടിക്കാഴ്ച നടത്തും.
source https://www.sirajlive.com/the-chief-minister-will-inaugurate-the-uk-europe-regional-conference-of-lok-kerala-sabha-today.html
إرسال تعليق