വിദ്യാര്‍ഥികളെ കയറ്റിയില്ല; എട്ട് ബസുകളുടെ ഫിറ്റ്‌നസ് റദ്ദാക്കി

പാലക്കാട് | മണ്ണാര്‍ക്കാട്ട് വിദ്യാര്‍ഥികളെ കയറ്റാതിരുന്ന ബസുകള്‍ക്കെതിരെ നടപടി. എട്ട് ബസുകളുടെ ഫിറ്റ്‌നസ് റദ്ദാക്കി. ബസില്‍ വിദ്യാര്‍ഥികളെ കയറ്റുന്നില്ലെന്ന് ഇവിടെ നിന്ന് വ്യാപക പരാതിയുയര്‍ന്നിരുന്നു.

അടുത്തിടെ ഒരു വിദ്യാര്‍ഥിക്ക് ബസില്‍ നിന്ന് തെറിച്ചുവീണ് ഗുരുതരമായി പരുക്കേല്‍ക്കാനിടയായ സംഭവവുമുണ്ടായി. പരാതികളെ തുടര്‍ന്ന് മോട്ടോര്‍ വാഹന വകുപ്പും പോലീസും പരിശോധന ഊര്‍ജിതമാക്കുകയായിരുന്നു. പരിശോധന തുടരുമെന്ന് എം വി ഡി വ്യക്തമാക്കി.

source https://www.sirajlive.com/students-were-not-picked-up-fitness-of-eight-buses-cancelled.html