ഗുണ്ടൂര്‍ | ടിഡിപി റാലിയിക്കിടെയുണ്ടായ തിക്കിലും തിരക്കിലും മൂന്ന് പേര്‍ക്ക് ജീവഹാനി. നിരവധി പേര്‍ക്ക് പരുക്കേറ്റിട്ടുണ്ട്. ആന്ധ്രാപ്രദേശിലെ ഗുണ്ടൂരില്‍ പാര്‍ട്ടി അദ്ധ്യക്ഷന്‍ ചന്ദ്ര ബാബു നായിഡു പങ്കെടുത്ത യോഗത്തിലാണ് ദുരന്തം. റാലിക്കിടെയുണ്ടായ തിക്കിലും തിരക്കിലും പെട്ടാണ് അപകടം ഉണ്ടായത്. പരുക്കേറ്റവരുടെ നില ഗുരുതരമാണെ ്ന്നും മരണ നിരക്ക് ഉയരാനും സാധ്യതയുണ്ടെന്ന് റിപ്പോര്‍ട്ടുണ്ട്. യോഗത്തിന്റെ ഭാഗമായി നടന്ന റേഷന്‍ വിതരണത്തിനിടെയാണ് അപകടമുണ്ടായത്.
ഒരാഴ്ചക്കിടയില്‍ ടിഡിപി റാലിയിലുണ്ടായ രണ്ടാമത്തെ അപകടമാണിത്. നായിഡു വേദി വിട്ടതിനു പിന്നാലെ തിക്കും തിരക്കുമുണ്ടാവുകയായിരുന്നു.കഴിഞ്ഞ ആഴ്ചയില്‍ ആന്ധ്രാപ്രദേശിലെ നെല്ലൂര്‍ ജില്ലയില്‍ നടന്ന ടിഡിപി റാലിയില്‍ തിക്കിലും തിരക്കിലും പെട്ട് എട്ട് പേര്‍ മരിക്കുകയും നിരവധി പേര്‍ക്ക് പരുക്കേല്‍ക്കുകയും ചെയ്തിരുന്നു. നായിഡു എത്തിയതോടെ അനുഭവപ്പെട്ട തിരക്കിലാണ് അപകടമുണ്ടായത്. തിരക്കിനിടയില്‍ അഴുക്കു ചാലിന്റെ സ്ലാബ് പൊട്ടി വീഴുകയായിരുന്നു. മരിച്ചവരില്‍ ഭൂരിഭാഗവും അഴുക്കുചാലില്‍ വീണ് ശ്വാസം മുട്ടിയാണ് മരിച്ചത്.
source https://www.sirajlive.com/another-tragedy-during-tdp-rally-three-dead-in-stampede.html
إرسال تعليق