കോഴിക്കൂട്ടിലെ വലയില്‍ കുടുങ്ങിയ പുലി ചത്തു

പാലക്കാട് | പാലക്കാട് മണ്ണാര്‍ക്കാട് കോഴിക്കൂട്ടില്‍ കുടുങ്ങിയ പുലി ചത്തു. കൂട്ടിലെ കമ്പി വലയില്‍ പുലിയുടെ കൈ കുരുങ്ങുകയായിരുന്നു.

പുലര്‍ച്ചെ ഒന്നരയോടെയാണ് പുലി കൂട്ടിനകത്ത് പെട്ടത്. പൂവത്താണി സ്വദേശി കുന്തിപ്പാടം ഫിലിപ്പിന്റെ കോഴിക്കൂട്ടിലാണ് പുലി കുടുങ്ങിയത്. പുലി ചത്തതായി വനം വകുപ്പ് സ്ഥിരീകരിച്ചു. ആറ് മണിക്കൂറോളമാണ് പുലി കൂട്ടില്‍ കുടുങ്ങിക്കിടന്നത്.

രക്ഷപ്പെടാന്‍ പുലി ആവുന്നത്ര ശ്രമിച്ചെങ്കിലും വിഫലമാവുകയായിരുന്നു. ജഡം മണ്ണാര്‍ക്കാട് റേഞ്ച് ഓഫീസിലേക്ക് കൊണ്ടുപോയി. പോസ്റ്റ്‌മോര്‍ട്ടം ഉടന്‍ നടക്കുമെന്ന് വനം വകുപ്പ് അറിയിച്ചു.

source https://www.sirajlive.com/a-tiger-got-caught-in-a-net-in-a-chicken-coop-and-died.html