അജ്മാന്‍ | സെവന്റീന്‍ത്ത് ഇയര്‍ ഓഫ് സക്‌സസ് എന്ന മുദ്രാവാക്യത്തോടെ എലൈറ്റ് ഗ്രൂപ്പ് ഓഫ് കമ്പനി പതിനേഴാമത് വാര്‍ഷികം വിപുലമായ കലാപരിപാടികളോടെ ആഘോഷിച്ചു. ചെയര്‍മാന്‍ നഷദ് സഹാവ്‌നെ, മാനേജിംഗ് ഡയറക്ടര്‍ ആര്‍ ഹരികുമാര്‍ എന്നിവരുടെ നേതൃത്വത്തില്‍ അജ്മാന്‍ ഹോട്ടലിലാണ് പരിപാടി അരങ്ങേറിയത്.
ആരംഭ കാലത്ത് കമ്പനിക്ക് കരുത്തായി നിന്നിരുന്ന ദുബൈ ഇന്‍വെസ്റ്റ്‌മെന്റ് പാര്‍ക്ക് റിയല്‍ എസ്റ്റേറ്റ് ജനറല്‍ മാനേജര്‍ ഉബൈദ് അല്‍ സലാമി, അലൂമിനിയം മേഖലയില്‍ ദീര്‍ഘകാലം സേവനം ചെയ്ത ജോര്‍ജ് ടി സാമുവല്‍ എന്നിവരെ എലൈറ്റ് എക്‌സലന്റ് ബഹുമതികള്‍ നല്‍കി ആദരിച്ചു. കമ്പനിയില്‍ സേവനം ചെയ്യുന്ന വിവിധ വര്‍ഷങ്ങള്‍ പിന്നിട്ട 200 ലേറെ ജീവനക്കാരെയും ആദരിച്ചു.
എലൈറ്റ് കുടുംബാംഗമായ പാരാബാഡ്മിന്റന്‍ താരം ആല്‍ഫിയ ജയിംസിന് സ്വീകരണം നല്‍കി. അന്താരാഷ്ട്ര മത്സര വേദികളില്‍ ഇനി മുതല്‍ ആല്‍ഫിയ എലൈറ്റ് ഗ്രൂപ്പിന്റെ ജെഴ്‌സി അണിയും. എസ് പി ബിയുടെ ഗാനങ്ങള്‍ കോര്‍ത്തിണക്കി നിഹാലും, ആര്‍ ഹരികുമാറും ചേര്‍ന്നൊരുക്കിയ സംഗീത വിരുന്ന് ശ്രദ്ധേയമായി. തുടര്‍ന്ന് എം ജി ശ്രീകുമാറിന്റെയും, മൃദുല വാര്യരുടെയും സംഗീത നിശയും നടന്നു.
source https://www.sirajlive.com/elite-group-of-companies-17th-anniversary.html
Post a Comment