പെഷവാർ | പാക്കിസ്ഥാനിലെ തീവ്രവാദ വിരുദ്ധ ഓഫീസ് പ്രവർത്തിച്ചിരുന്ന പോലീസ് സ്റ്റേഷനിലുണ്ടായ ഇരട്ട സ്ഫോടനങ്ങളിൽ എട്ട് പേർ മരിച്ചു. 50ൽ അധികം പേർക്ക് പരുക്കേറ്റു. വടക്കുപടിഞ്ഞാറൻ സാത്ത് താഴ്‍വരയിൽ പ്രവർത്തിക്കുന്ന ഓഫീസിലാണ് സ്ഫോടനമുണ്ടായത്. സ്ഫോടനത്തിന്റെ കാരണം വ്യക്തമല്ല.
ഓഫീസിൽ പഴയ ഒരു ആയുധപ്പുര പ്രവർത്തിച്ചിരുന്നുവെന്നും ഇതാണോ സ്ഫോടനത്തിന് ഇടയാക്കിയതെന്നും അന്വേഷിക്കുന്നതായി പ്രവിശ്യാ പോലീസ് മേധാവി അക്തർ ഹയാത്ത് പറഞ്ഞു. തീവ്രവാദി ആക്രമണമാണൊ നടന്നത് എന്ന കാര്യവും അന്വേഷിക്കുന്നുണ്ട്. ആക്രമണത്തിന്റെ ഉത്തരവാദിത്വം ആരും ഏറ്റെടുത്തിട്ടില്ല. ചാവേർ ആക്രമണ സാധ്യതയും സംശയിക്കുന്നുണ്ട്.
കൊല്ലപ്പെട്ടവരിൽ ഏറെയും തീവ്രവാദ വിരുദ്ധ സേനയിലെ ഓഫീസർമാരാണ്.
സാത്ത് താഴ്‍വാരം നേരത്തെ തീവ്രവാദികളുടെ നിയന്ത്രണത്തിലായിുരന്നു. 2009ലെ സൈനിക ഓപ്പറേഷനിലാണ് തീവ്രവാദികളിൽ നിന്ന് പ്രദേശം മോചിപ്പിക്കപ്പെട്ടത്.
source https://www.sirajlive.com/double-blast-at-police-station-in-pakistan-eight-deaths.html
إرسال تعليق