കൊച്ചി | സിനിമാ പ്രവര്‍ത്തകരുടെ മയക്കുമരുന്ന് ഉപയോഗവുമായി ബന്ധപ്പെട്ട് ആരോപണമുയര്‍ന്ന പശ്ചാത്തലത്തില്‍ ഷൂട്ടിങ് സെറ്റുകളില്‍ പരിശോധന നടത്തുമെന്ന് കൊച്ചി പോലീസ് കമ്മീഷണര്‍ കെ സേതുരാമന്‍. സെറ്റുകളില്‍ ഷാഡോ പോലീസിന്റെ സാന്നിധ്യമുണ്ടാകും.
സിനിമാക്കാരുടെ തുറന്നുപറച്ചില്‍ ശ്രദ്ധയില്‍പ്പെട്ടതായും കമ്മീഷണര്‍ പറഞ്ഞു. ഇത് സ്വാഗതാര്‍ഹമാണ്. ലഹരി ഉപയോഗം സംബന്ധിച്ച് ഇതുവരെ ആരില്‍ നിന്നും പരാതി ലഭിച്ചിട്ടില്ലെന്നും സേതുരാമന്‍ വ്യക്തമാക്കി.
തീരുമാനത്തെ നിര്‍മാതാക്കള്‍ സ്വാഗതം ചെയ്തു. സിനിമാ ലൊക്കേഷനുകളില്‍ ലഹരി ഒഴുക്ക് തടയാനുള്ള എല്ലാ നടപടിയെയും പിന്തുണക്കുമെന്ന് പ്രൊഡ്യൂസേഴ്‌സ് അസോസിയേഷന്‍ വ്യക്തമാക്കി.
source https://www.sirajlive.com/drug-use-kochi-police-commissioner-said-that-shooting-sets-will-be-inspected.html
إرسال تعليق