വ്യാപാരി വ്യവസായി സമിതി സംസ്ഥാന സമ്മേളനം

കോഴിക്കോട് | വ്യാപാരി വ്യവസായി സമിതി 11ാം സംസ്ഥാന സമ്മേളനത്തിന് കൊടിയുയര്‍ന്നു. സംസ്ഥാന പ്രസിഡന്റ് വി കെ സി മമ്മദ് കോയയാണ് പതാക ഉയര്‍ത്തിയത്. സംസ്ഥാന വൈസ് പ്രസിഡന്റ് വി പാപ്പച്ചന്‍ പതാക ജാഥക്കും സംസ്ഥാന ജോയിന്റ് സെക്രട്ടറി സി കെ വിജയന്‍ കൊടിമര ജാഥക്കും നേതൃത്വം നല്‍കി.

കടപ്പുറം ഫ്രീഡം സ്‌ക്വയറിലെ എം പി കൃഷ്ണന്‍ നഗറിലാണ് റാലിയും പൊതുസമ്മേളനവും. ഇന്ന് വൈകിട്ട് നാലിന് മുഖ്യമന്ത്രി പിണറായി വിജയന്‍ ഉദ്ഘാടനം ചെയ്യും. പ്രതിനിധി സമ്മേളനം 24, 25 തീയതികളില്‍ ആശീര്‍വാദ് ഓഡിറ്റോറിയത്തിലെ ഒ അഷ്‌റഫ് നഗറില്‍ നടക്കും. 24 ന് രാവിലെ 10ന് മുന്‍ ധനമന്ത്രി ഡോ. ടി എം തോമസ് ഐസക് ഉദ്ഘാടനം ചെയ്യും.

25 നും പൊതുചര്‍ച്ച തുടരും. മുതിര്‍ന്ന വ്യാപാരികളെ മന്ത്രി അഹമ്മദ് ദേവര്‍കോവില്‍ ആദരിക്കും. പൊതുചര്‍ച്ചക്കുള്ള മറുപടി, സംസ്ഥാന കമ്മിറ്റി തെരഞ്ഞെടുപ്പ് എന്നിവയും 25 ന് നടക്കും.

 

source https://www.sirajlive.com/traders-and-industry-council-state-conference-the-flag-went-up.html