ലണ്ടന്‍ | ഇംഗ്ലീഷ് പ്രീമിയര്‍ ലീഗ് ചാമ്പ്യന്‍മാരായി മാഞ്ചസ്റ്റര്‍ സിറ്റി. നോട്ടിംഗ്ഹാം ഫോറസ്റ്റിനോട് ആഴ്‌സനല്‍ പരാജയപ്പെട്ടതോടെയാണ് കിരീടം സിറ്റി ഉറപ്പിച്ചത്. ഈ സീസണിലെ ഹാട്രിക് കിരീടത്തിലേക്ക് ഒരു ചുവടു അടുത്തിരിക്കുകയാണ് സിറ്റി.
എഫ് എ കപ്പ്, ചാമ്പ്യന്‍സ് ലീഗ് ഫൈനലുകളില്‍ സിറ്റി എത്തിയിട്ടുണ്ട്. ഇവ രണ്ടിലും ജയിച്ചാല്‍ സീസണില്‍ ഹാട്രിക് കിരീട നേട്ടമെന്ന ചരിത്രവും നേടാം. 1999ല്‍ അലക്‌സ് ഫെര്‍ഗൂസന്റെ മാഞ്ചസ്റ്റര്‍ യുനൈറ്റഡ് ഹാട്രിക് കിരീടം നേടിയിരുന്നു.
ജൂണ്‍ മൂന്നിന് മാഞ്ചസ്റ്റര്‍ യുനൈറ്റഡുമായാണ് എഫ് എ കപ്പ് ഫൈനല്‍. വെംബ്ലിയാണ് വേദി. ജൂണ്‍ പത്തിന് തുര്‍ക്കിയിലെ ഇസ്താംബൂളില്‍ വെച്ച് ഇന്റര്‍ മിലാനുമായാണ് ചാമ്പ്യന്‍സ് ലീഗ് ഫൈനല്‍.
source https://www.sirajlive.com/premier-league-title-for-manchester-city.html
Post a Comment